ज़बाँ पर आरज़ू की बात लाना सख़्त मुश्किल है
मगर राज़-ए-मोहब्बत का छुपाना सख़्त मुश्किल है
यही आईन-ए-उल्फ़त है यही ज़ौक़-ए-वफ़ा-कोशी
अगरचे ज़ख़्म खा कर मुस्कुराना सख़्त मुश्किल है
उसी मंज़िल की जानिब बढ़ रहा है हर क़दम अपना
जिधर इक इक क़दम आगे बढ़ाना सख़्त मुश्किल है
हमें ले जा रहा है इज़्तिराब-ए-शौक़ उस दर पर
जहाँ सुनते हैं क़िस्मत आज़माना सख़्त मुश्किल है
जलाएँगे चराग़-ए-आरज़ू तारीकी-ए-ग़म में
ये कुछ आसाँ नहीं है हम ने माना सख़्त मुश्किल है
तिरे हर नारवा जौर-ओ-सितम को भूल सकता हूँ
तिरी शान-ए-करम को भूल जाना सख़्त मुश्किल है
‘उमूमन मुस्कुराता हूँ 'जमाली' झूम जाता हूँ
कि जिस 'आलम में अक्सर मुस्कुराना सख़्त मुश्किल है
zabāñ par aarzū kī baat laanā saḳht mushkil hai
magar rāz-e-mohabbat kā chhupānā saḳht mushkil hai
yahī ā.īn-e-ulfat hai yahī zauq-e-vafā-koshī
agarche zaḳhm khā kar muskurānā saḳht mushkil hai
usī manzil kī jānib baḌh rahā hai har qadam apnā
jidhar ik ik qadam aage baḌhānā saḳht mushkil hai
hameñ le jā rahā hai iztirāb-e-shauq us dar par
jahāñ sunte haiñ qismat āzmānā saḳht mushkil hai
jalā.eñge charāġh-e-ārzū tārīkī-e-ġham meñ
ye kuchh āsāñ nahīñ hai ham ne maanā saḳht mushkil hai
tire har nāravā jaur-o-sitam ko bhuul saktā huuñ
tirī shān-e-karam ko bhuul jaanā saḳht mushkil hai
‘umūman muskurātā huuñ 'jamālī' jhuum jaatā huuñ
ki jis 'ālam meñ aksar muskurānā saḳht mushkil hai
زباں پر آرزو کی بات لانا سخت مشکل ہے
مگر راز محبت کا چھپانا سخت مشکل ہے
یہی آئین الفت ہے یہی ذوق وفا کوشی
اگرچہ زخم کھا کر مسکرانا سخت مشکل ہے
اسی منزل کی جانب بڑھ رہا ہے ہر قدم اپنا
جدھر اک اک قدم آگے بڑھانا سخت مشکل ہے
ہمیں لے جا رہا ہے اضطراب شوق اس در پر
جہاں سنتے ہیں قسمت آزمانا سخت مشکل ہے
جلائیں گے چراغ آرزو تاریکیٔ غم میں
یہ کچھ آساں نہیں ہے ہم نے مانا سخت مشکل ہے
ترے ہر ناروا جور و ستم کو بھول سکتا ہوں
تری شان کرم کو بھول جانا سخت مشکل ہے
عموماً مسکراتا ہوں جمالیؔ جھوم جاتا ہوں
کہ جس عالم میں اکثر مسکرانا سخت مشکل ہے