हक़ कहा दार पे जिस ने वो बशर कैसा था
सच बताओ मुझे वो अहल-ए-नज़र कैसा था
शहर-ए-आशोब लिखा जिस के लिए लोगों ने
कैसे बाशिंदे थे उस के वो नगर कैसा था
जल गया राख हुआ यूँ तो नशेमन उजड़ा
देखने वालो कहो रक़्स-ए-शरर कैसा था
शाख़ पर जितने परिंदे थे सभी चीख़ पड़े
टूटने वाला न-जाने वो शजर कैसा था
दास्तान-ए-ग़म-ओ-आलाम मिरी झूट सही
तेरे चेहरे पे वो ता-देर असर कैसा था
जब नज़र उस पे पड़ी और मिरा दिल धड़का
कौन था उस में ख़ुदा जाने वो घर कैसा था
क्या कोई हादसा-ए-मौत हुआ था वाक़े'
इक हुजूम आज सर-ए-राहगुज़र कैसा था
तुम ने देखा था 'जमाली' को सुनाओ लोगो
हाँ वो शा'इर न सही अहल-ए-नज़र कैसा था
haq kahā daar pe jis ne vo bashar kaisā thā
sach batāo mujhe vo ahl-e-nazar kaisā thā
shahr-e-āshob likhā jis ke liye logoñ ne
kaise bāshinde the us ke vo nagar kaisā thā
jal gayā raakh huā yuuñ to nasheman ujḌā
dekhne vaalo kaho raqs-e-sharar kaisā thā
shāḳh par jitne parinde the sabhī chīḳh paḌe
TūTne vaalā na-jāne vo shajar kaisā thā
dāstān-e-ġham-o-ālām mirī jhuuT sahī
tere chehre pe vo tā-der asar kaisā thā
jab nazar us pe paḌī aur mirā dil dhaḌkā
kaun thā us meñ ḳhudā jaane vo ghar kaisā thā
kyā koī hādsa-e-maut huā thā vāqe'
ik hujūm aaj sar-e-rāhguzar kaisā thā
tum ne dekhā thā 'jamālī' ko sunāo logo
haañ vo shā'ir na sahī ahl-e-nazar kaisā thā
حق کہا دار پہ جس نے وہ بشر کیسا تھا
سچ بتاؤ مجھے وہ اہل نظر کیسا تھا
شہر آشوب لکھا جس کے لئے لوگوں نے
کیسے باشندے تھے اس کے وہ نگر کیسا تھا
جل گیا راکھ ہوا یوں تو نشیمن اجڑا
دیکھنے والو کہو رقص شرر کیسا تھا
شاخ پر جتنے پرندے تھے سبھی چیخ پڑے
ٹوٹنے والا نجانے وہ شجر کیسا تھا
داستان غم و آلام مری جھوٹ سہی
تیرے چہرے پہ وہ تادیر اثر کیسا تھا
جب نظر اس پہ پڑی اور مرا دل دھڑکا
کون تھا اس میں خدا جانے وہ گھر کیسا تھا
کیا کوئی حادثۂ موت ہوا تھا واقع
اک ہجوم آج سر راہ گزر کیسا تھا
تم نے دیکھا تھا جمالیؔ کو سناؤ لوگو
ہاں وہ شاعر نہ سہی اہل نظر کیسا تھا