ज़ालिम बुतों से आँख लगाई न जाएगी
पत्थर की चोट दिल से उठाई न जाएगी
होने दो हो रहे हैं जो उल्फ़त के तज़्किरे
बिगड़ोगे तुम तो बात बनाई न जाएगी
कह दो ये शम्अ से कि अबस तू है अश्क-बार
पानी से दिल की आग बुझाई न जाएगी
चिलमन हो या नक़ाब हो या पर्दा-ए-हया
सूरत तिरी किसी से छुपाई न जाएगी
मुमकिन है तीर-ए-नाज़ से दिल को बचा भी लूँ
लेकिन नज़र की चोट बचाई न जाएगी
आँखें ख़ुदा ने दी हैं तो देखेंगे हुस्न-ए-यार
कब तक नक़ाब रुख़ से उठाई न जाएगी
तौबा को मुँह लगा के ख़जिल होगे तुम 'जलील'
जाम ओ सुबू से आँख मिलाई न जाएगी
zālim butoñ se aañkh lagā.ī na jā.egī
patthar kī choT dil se uThā.ī na jā.egī
hone do ho rahe haiñ jo ulfat ke tazkire
bigḌoge tum to baat banā.ī na jā.egī
kah do ye sham.a se ki abas tū hai ashk-bār
paanī se dil kī aag bujhā.ī na jā.egī
chilman ho yā naqāb ho yā parda-e-hayā
sūrat tirī kisī se chhupā.ī na jā.egī
mumkin hai tīr-e-nāz se dil ko bachā bhī luuñ
lekin nazar kī choT bachā.ī na jā.egī
āñkheñ ḳhudā ne dī haiñ to dekheñge husn-e-yār
kab tak naqāb ruḳh se uThā.ī na jā.egī
tauba ko muñh lagā ke ḳhajil hoge tum 'jalīl'
jaam o subū se aañkh milā.ī na jā.egī
ظالم بتوں سے آنکھ لگائی نہ جائے گی
پتھر کی چوٹ دل سے اٹھائی نہ جائے گی
ہونے دو ہو رہے ہیں جو الفت کے تذکرے
بگڑوگے تم تو بات بنائی نہ جائے گی
کہہ دو یہ شمع سے کہ عبث تو ہے اشک بار
پانی سے دل کی آگ بجھائی نہ جائے گی
چلمن ہو یا نقاب ہو یا پردۂ حیا
صورت تری کسی سے چھپائی نہ جائے گی
ممکن ہے تیر ناز سے دل کو بچا بھی لوں
لیکن نظر کی چوٹ بچائی نہ جائے گی
آنکھیں خدا نے دی ہیں تو دیکھیں گے حسن یار
کب تک نقاب رخ سے اٹھائی نہ جائے گی
توبہ کو منہ لگا کے خجل ہوگے تم جلیلؔ
جام و سبو سے آنکھ ملائی نہ جائے گی