ज़ाहिद न कह बुरी कि ये मस्ताने आदमी हैं
तुझ को लिपट पड़ेंगे दीवाने आदमी हैं
ग़ैरों की दोस्ती पर क्यूँ ए'तिबार कीजे
ये दुश्मनी करेंगे बेगाने आदमी हैं
जो आदमी पे गुज़री वो इक सिवा तुम्हारे
क्या जी लगा के सुनते अफ़्साने आदमी हैं
क्या जुरअतें जो हम को दरबाँ तुम्हारा टोके
कह दो कि ये तो जाने-पहचाने आदमी हैं
मय बूँद भर पिला कर क्या हँस रहा है साक़ी
भर भर के पीते आख़िर पैमाने आदमी हैं
तुम ने हमारे दिल में घर कर लिया तो क्या है
आबाद करते आख़िर वीराने आदमी हैं
नासेह से कोई कह दे कीजे कलाम ऐसा
हज़रत को ता कि कोई ये जाने आदमी हैं
जब दावर-ए-क़यामत पूछेगा तुम पे रख कर
कह देंगे साफ़ हम तो बेगाने आदमी हैं
मैं वो बशर कि मुझ से हर आदमी को नफ़रत
तुम शम्अ वो कि तुम पर परवाने आदमी हैं
महफ़िल भरी हुई है सौदाइयों से उस की
उस ग़ैरत-ए-परी पर दीवाने आदमी हैं
शाबाश 'दाग़' तुझ को क्या तेग़-ए-इश्क़ खाई
जी करते हैं वही जो मर्दाने आदमी हैं
zāhid na kah burī ki ye mastāne aadmī haiñ
tujh ko lipaT paḌeñge dīvāne aadmī haiñ
ġhairoñ kī dostī par kyuuñ e'tibār kiije
ye dushmanī kareñge begāne aadmī haiñ
jo aadmī pe guzrī vo ik sivā tumhāre
kyā jī lagā ke sunte afsāne aadmī haiñ
kyā jur.ateñ jo ham ko darbāñ tumhārā Toke
kah do ki ye to jāne-pahchāne aadmī haiñ
mai buuñd bhar pilā kar kyā hañs rahā hai saaqī
bhar bhar ke piite āḳhir paimāne aadmī haiñ
tum ne hamāre dil meñ ghar kar liyā to kyā hai
ābād karte āḳhir vīrāne aadmī haiñ
nāseh se koī kah de kiije kalām aisā
hazrat ko tā ki koī ye jaane aadmī haiñ
jab dāvar-e-qayāmat pūchhegā tum pe rakh kar
kah deñge saaf ham to begāne aadmī haiñ
maiñ vo bashar ki mujh se har aadmī ko nafrat
tum sham.a vo ki tum par parvāne aadmī haiñ
mahfil bharī huī hai saudā.iyoñ se us kī
us ġhairat-e-parī par dīvāne aadmī haiñ
shābāsh 'dāġh' tujh ko kyā teġh-e-ishq khaa.ī
jī karte haiñ vahī jo mardāne aadmī haiñ
زاہد نہ کہہ بری کہ یہ مستانے آدمی ہیں
تجھ کو لپٹ پڑیں گے دیوانے آدمی ہیں
غیروں کی دوستی پر کیوں اعتبار کیجے
یہ دشمنی کریں گے بیگانے آدمی ہیں
جو آدمی پہ گزری وہ اک سوا تمہارے
کیا جی لگا کے سنتے افسانے آدمی ہیں
کیا جرأتیں جو ہم کو درباں تمہارا ٹوکے
کہہ دو کہ یہ تو جانے پہچانے آدمی ہیں
مے بوند بھر پلا کر کیا ہنس رہا ہے ساقی
بھر بھر کے پیتے آخر پیمانے آدمی ہیں
تم نے ہمارے دل میں گھر کر لیا تو کیا ہے
آباد کرتے آخر ویرانے آدمی ہیں
ناصح سے کوئی کہہ دے کیجے کلام ایسا
حضرت کو تا کہ کوئی یہ جانے آدمی ہیں
جب داور قیامت پوچھے گا تم پہ رکھ کر
کہہ دیں گے صاف ہم تو بیگانے آدمی ہیں
میں وہ بشر کہ مجھ سے ہر آدمی کو نفرت
تم شمع وہ کہ تم پر پروانے آدمی ہیں
محفل بھری ہوئی ہے سودائیوں سے اس کی
اس غیرت پری پر دیوانے آدمی ہیں
شاباش داغؔ تجھ کو کیا تیغ عشق کھائی
جی کرتے ہیں وہی جو مردانے آدمی ہیں