यूँही गर हर साँस में थोड़ी कमी हो जाएगी
ख़त्म रफ़्ता रफ़्ता इक दिन ज़िंदगी हो जाएगी
देखने वाले फ़क़त तस्वीर-ए-ज़ाहिर पर न जा
हर नफ़स के साथ दुनिया दूसरी हो जाएगी
गर यही फ़स्ल-ए-जुनूँ-ज़ा है यही अब्र-ए-बहार
अज़्मत-ए-तौबा निसार-ए-मय-कशी हो जाएगी
मर्ग-ए-बे-हंगाम कहते हैं जिसे आज अहल-ए-दर्द
कल यही सूरत बदल कर ज़िंदगी हो जाएगी
ज़िक्र है ज़िंदाँ में वो गुलज़ार पर बिजली गिरी
आज मेरे आशियाँ में रौशनी हो जाएगी
सज्दा गाह-ए-आम पर सज्दे से कुछ हासिल नहीं
मुफ़्त आलूदा जबीन-ए-बंदगी हो जाएगी
ख़त्म है शब चेहरा-ए-मशरिक़ से उठती है नक़ाब
दम-ज़दन में रौशनी ही रौशनी हो जाएगी
मुत्तसिल हैं ज़ोफ़ ओ क़ुव्वत की हदें हाँ होश्यार
वर्ना इस तर्क-ए-ख़ुदी में ख़ुद-कुशी हो जाएगी
ज़ख़्म भी ताज़ा है और दिल भी नहीं मानूस-ए-दर्द
रफ़्ता रफ़्ता यूँही आदत सब्र की हो जाएगी
शम्अ सा जब शाम ही से है गुदाज़-ए-दिल 'रवाँ'
सुब्ह तक क्या जाने क्या हालत तिरी हो जाएगी
yūñhī gar har saañs meñ thoḌī kamī ho jā.egī
ḳhatm rafta rafta ik din zindagī ho jā.egī
dekhne vaale faqat tasvīr-e-zāhir par na jā
har nafas ke saath duniyā dūsrī ho jā.egī
gar yahī fasl-e-junūñ-zā hai yahī abr-e-bahār
azmat-e-tauba nisār-e-mai-kashī ho jā.egī
marg-e-be-hañgām kahte haiñ jise aaj ahl-e-dard
kal yahī sūrat badal kar zindagī ho jā.egī
zikr hai zindāñ meñ vo gulzār par bijlī girī
aaj mere āshiyāñ meñ raushnī ho jā.egī
sajda gāh-e-ām par sajde se kuchh hāsil nahīñ
muft ālūda jabīn-e-bandagī ho jā.egī
ḳhatm hai shab chehra-e-mashriq se uThtī hai naqāb
dam-zadan meñ raushnī hī raushnī ho jā.egī
muttasil haiñ zof o quvvat kī hadeñ haañ hoshyār
varna is tark-e-ḳhudī meñ ḳhud-kushī ho jā.egī
zaḳhm bhī taaza hai aur dil bhī nahīñ mānūs-e-dard
rafta rafta yūñhī aadat sabr kī ho jā.egī
sham.a sā jab shaam hī se hai gudāz-e-dil 'ravāñ'
sub.h tak kyā jaane kyā hālat tirī ho jā.egī
یوں ہی گر ہر سانس میں تھوڑی کمی ہو جائے گی
ختم رفتہ رفتہ اک دن زندگی ہو جائے گی
دیکھنے والے فقط تصویر ظاہر پر نہ جا
ہر نفس کے ساتھ دنیا دوسری ہو جائے گی
گر یہی فصل جنوں زا ہے یہی ابر بہار
عظمت توبہ نثار میکشی ہو جائے گی
مرگ بے ہنگام کہتے ہیں جسے آج اہل درد
کل یہی صورت بدل کر زندگی ہو جائے گی
ذکر ہے زنداں میں وہ گلزار پر بجلی گری
آج میرے آشیاں میں روشنی ہو جائے گی
سجدہ گاہ عام پر سجدے سے کچھ حاصل نہیں
مفت آلودہ جبین بندگی ہو جائے گی
ختم ہے شب چہرۂ مشرق سے اٹھتی ہے نقاب
دم زدن میں روشنی ہی روشنی ہو جائے گی
متصل ہیں ضعف و قوت کی حدیں ہاں ہوشیار
ورنہ اس ترک خودی میں خودکشی ہو جائے گی
زخم بھی تازہ ہے اور دل بھی نہیں مانوس درد
رفتہ رفتہ یوں ہی عادت صبر کی ہو جائے گی
شمع سا جب شام ہی سے ہے گداز دل رواںؔ
صبح تک کیا جانے کیا حالت تری ہو جائے گی