ग़रज़ रहबर से क्या मुझ को गिला है जज़्ब-ए-कामिल से
कि जितना बढ़ रहा हूँ हट रहा हूँ दूर मंज़िल से
सुकूत-ए-बे-महल तक़रीर-ए-बे-मौक़ा की तोहमत क्यूँ
उठाना हो तो यूँ हम को उठा दो अपनी महफ़िल से
ये अरमान-ए-तरक़्क़ी आज है दावा ख़ुदाई का
उसी दिल का जो कल तक था लहू की बूँद मुश्किल से
गुल-ओ-लाला पे आख़िर कर रहा है ग़ौर क्या गुलचीं
ये वो ख़ूँ है जो टपका था कभी चश्म-ए-अनादिल से
शब-ए-महताब दरिया का किनारा और ये सन्नाटा
तुम्हें इस साज़ पर हम ख़ुश करेंगे नग़्मा-ए-दिल से
ग़ज़ब है जल के परवानों का उन की बज़्म में कहना
'रवाँ' या यूँ फ़िदा हो जाओ या उठ जाओ महफ़िल से
ġharaz rahbar se kyā mujh ko gila hai jazb-e-kāmil se
ki jitnā baḌh rahā huuñ haT rahā huuñ duur manzil se
sukūt-e-be-mahal taqrīr-e-be-mauqa.a kī tohmat kyuuñ
uThānā ho to yuuñ ham ko uThā do apnī mahfil se
ye armān-e-taraqqī aaj hai da.avā ḳhudā.ī kā
usī dil kā jo kal tak thā lahū kī buuñd mushkil se
gul-o-lāla pe āḳhir kar rahā hai ġhaur kyā gulchīñ
ye vo ḳhuuñ hai jo Tapkā thā kabhī chashm-e-anādil se
shab-e-mahtāb dariyā kā kināra aur ye sannāTā
tumheñ is saaz par ham ḳhush kareñge naġhma-e-dil se
ġhazab hai jal ke parvānoñ kā un kī bazm meñ kahnā
'ravāñ' yā yuuñ fidā ho jaao yā uTh jaao mahfil se
غرض رہبر سے کیا مجھ کو گلہ ہے جذب کامل سے
کہ جتنا بڑھ رہا ہوں ہٹ رہا ہوں دور منزل سے
سکوت بے محل تقریر بے موقع کی تہمت کیوں
اٹھانا ہو تو یوں ہم کو اٹھا دو اپنی محفل سے
یہ ارمان ترقی آج ہے دعویٰ خدائی کا
اسی دل کا جو کل تک تھا لہو کی بوند مشکل سے
گل و لالہ پہ آخر کر رہا ہے غور کیا گلچیں
یہ وہ خوں ہے جو ٹپکا تھا کبھی چشم عنادل سے
شب مہتاب دریا کا کنارہ اور یہ سناٹا
تمہیں اس ساز پر ہم خوش کریں گے نغمۂ دل سے
غضب ہے جل کے پروانوں کا ان کی بزم میں کہنا
رواںؔ یا یوں فدا ہو جاؤ یا اٹھ جاؤ محفل سے