अंजाम ये हुआ है दिल-ए-बे-क़रार का
थमता नहीं है पाँव हमारे ग़ुबार का
पहले किया ख़याल न गुल का न ख़ार का
अब दुख रहा है पाँव नसीम-ए-बहार का
पैहम दिए वो रंज कि इंसाँ बना दिया
मिन्नत-पज़ीर हूँ सितम-ए-रोज़गार का
उस को ख़िज़ाँ के आने का क्या रंज क्या क़लक़
रोते कटा हो जिस को ज़माना बहार का
मख़्फ़ी है इस में राज़-ए-बक़ा-ए-हयात-ए-इश्क़
क्या पूछते हो हाल दिल-ए-बे-क़रार का
मजबूरियाँ सितम हैं वगरना ख़ुदा की शान
मैं और यूँ गुज़ार दूँ मौसम बहार का
ग़ाफ़िल निगाह-ए-होश से रंग-ए-चमन को देख
परवर्दा-ए-ख़ज़ाँ है ज़माना बहार का
निकला है दम 'रवाँ' का तमन्ना के साथ साथ
अल्लाह-रे ज़ोर नाला-ए-बे-इख़्तियार का
anjām ye huā hai dil-e-be-qarār kā
thamtā nahīñ hai paañv hamāre ġhubār kā
pahle kiyā ḳhayāl na gul kā na ḳhaar kā
ab dukh rahā hai paañv nasīm-e-bahār kā
paiham diye vo ranj ki insāñ banā diyā
minnat-pazīr huuñ sitam-e-rozgār kā
us ko ḳhizāñ ke aane kā kyā ranj kyā qalaq
rote kaTā ho jis ko zamāna bahār kā
maḳhfī hai is meñ rāz-e-baqā-e-hayāt-e-ishq
kyā pūchhte ho haal dil-e-be-qarār kā
majbūriyāñ sitam haiñ vagarna ḳhudā kī shaan
maiñ aur yuuñ guzār duuñ mausam bahār kā
ġhāfil nigah-e-hosh se rañg-e-chaman ko dekh
parvurda-e-ḳhizāñ hai zamāna bahār kā
niklā hai dam 'ravāñ' kā tamannā ke saath saath
allāh-re zor nāla-e-be-iḳhteyār kā
انجام یہ ہوا ہے دل بے قرار کا
تھمتا نہیں ہے پانوں ہمارے غبار کا
پہلے کیا خیال نہ گل کا نہ خار کا
اب دکھ رہا ہے پانوں نسیم بہار کا
پیہم دیے وہ رنج کہ انساں بنا دیا
منت پذیر ہوں ستم روزگار کا
اس کو خزاں کے آنے کا کیا رنج کیا قلق
روتے کٹا ہو جس کو زمانہ بہار کا
مخفی ہے اس میں راز بقائے حیات عشق
کیا پوچھتے ہو حال دل بے قرار کا
مجبوریاں ستم ہیں وگرنہ خدا کی شان
میں اور یوں گزار دوں موسم بہار کا
غافل نگاہ ہوش سے رنگ چمن کو دیکھ
پروردۂ خزاں ہے زمانہ بہار کا
نکلا ہے دم رواںؔ کا تمنا کے ساتھ ساتھ
اللہ رے زور نالۂ بے اختیار کا