गुल-ए-वीराना हूँ कोई नहीं है क़द्र-दाँ मेरा
तू ही देख ऐ मिरे ख़ल्लाक़ हुस्न-ए-राएगाँ मेरा
ये कह कर रूह निकली है तन-ए-आशिक़ से फ़ुर्क़त में
मुझे 'उजलत है बढ़ जाए न आगे कारवाँ मेरा
हवा उस को उड़ा ले जाए अब या फूँक दे बिजली
हिफ़ाज़त कर नहीं सकता मिरी जब आशियाँ मेरा
ज़मीं पर बार हूँ और आसमान से दूर ऐ मालिक
नहीं मा'लूम कुछ आख़िर ठिकाना है कहाँ मेरा
मुझे नग़्मे का लुत्फ़ आता है रातों की ख़मोशी में
दिल-ए-बिशकिस्ता है इक साज़-ए-आहंग फ़ुग़ाँ मेरा
वहीं से इब्तिदा-ए-कूचा-ए-दिलदार की हद है
क़दम ख़ुद चलते चलते आ के रुक जाए जहाँ मेरा
ज़रा दूर और है ऐ कश्ती-ए-उम्र-ए-रवाँ साहिल
कि इस बहर-ए-जहाँ में हर नफ़स है बादबाँ मेरा
हुई जाती है तन्हाई में लज़्ज़त रूह की ज़ाए'
लुटा जाता है वीराने में गंज-ए-शाएगाँ मेरा
'अनासिर हँसते हैं दुनिया की वुस'अत मुस्कुराती है
किसी से पूछते हैं अहल-ए-बीनश जब निशाँ मेरा
मिरे बा'द और फिर कोई नज़र मुझ सा नहीं आता
बहुत दिन तक रक्खेंगे सोग अहल-ए-ख़ानदाँ मेरा
ग़नीमत है नफ़स दो चार जो बाक़ी हैं अब वर्ना
कभी का लुट चुका सरमाया-ए-सोद-ओ-ज़ियाँ मेरा
अभी तक फ़स्ल-ए-गुल में इक सदा-ए-दर्द आती है
वहाँ की ख़ाक से पहले जहाँ था आशियाँ मेरा
'रवाँ' सच है मोहब्बत का असर ज़ाए' नहीं होता
वो रो देते हैं अब भी ज़िक्र आता है जहाँ मेरा
gul-e-vīrāna huuñ koī nahīñ hai qadr-dāñ merā
tū hī dekh ai mire ḳhallāq husn-e-rā.egāñ merā
ye kah kar ruuh niklī hai tan-e-āshiq se furqat meñ
mujhe 'ujlat hai baḌh jaa.e na aage kārvāñ merā
havā us ko uḌā le jaa.e ab yā phūñk de bijlī
hifāzat kar nahīñ saktā mirī jab āshiyāñ merā
zamīñ par baar huuñ aur āsmān se duur ai mālik
nahīñ mā'lūm kuchh āḳhir Thikānā hai kahāñ merā
mujhe naġhme kā lutf aatā hai rātoñ kī ḳhamoshī meñ
dil-e-bishkista hai ik sāz-e-āhañg fuġhāñ merā
vahīñ se ibtidā-e-kūcha-e-dildār kī had hai
qadam ḳhud chalte chalte aa ke ruk jaa.e jahāñ merā
zarā duur aur hai ai kashti-e-umr-e-ravāñ sāhil
ki is bahr-e-jahāñ meñ har nafas hai bādbāñ merā
huī jaatī hai tanhā.ī meñ lazzat ruuh kī zaa.e'
luTā jaatā hai vīrāne meñ ganj-e-shā.egāñ merā
'anāsir hañste haiñ duniyā kī vus'at muskurātī hai
kisī se pūchhte haiñ ahl-e-bīnash jab nishāñ merā
mire baa'd aur phir koī nazar mujh sā nahīñ aatā
bahut din tak rakkheñge sog ahl-e-ḳhāndāñ merā
ġhanīmat hai nafas do chaar jo baaqī haiñ ab varna
kabhī kā luT chukā sarmāya-e-sod-o-ziyāñ merā
abhī tak fasl-e-gul meñ ik sadā-e-dard aatī hai
vahāñ kī ḳhaak se pahle jahāñ thā āshiyāñ merā
'ravāñ' sach hai mohabbat kā asar zaa.e' nahīñ hotā
vo ro dete haiñ ab bhī zikr aatā hai jahāñ merā
گل ویرانہ ہوں کوئی نہیں ہے قدرداں میرا
تو ہی دیکھ اے مرے خلاق حسن رائیگاں میرا
یہ کہہ کر روح نکلی ہے تن عاشق سے فرقت میں
مجھے عجلت ہے بڑھ جائے نہ آگے کارواں میرا
ہوا اس کو اڑا لے جائے اب یا پھونک دے بجلی
حفاظت کر نہیں سکتا مری جب آشیاں میرا
زمیں پر بار ہوں اور آسمان سے دور اے مالک
نہیں معلوم کچھ آخر ٹھکانا ہے کہاں میرا
مجھے نغمے کا لطف آتا ہے راتوں کی خموشی میں
دل بشکستہ ہے اک ساز آہنگ فغاں میرا
وہیں سے ابتدائے کوچۂ دلدار کی حد ہے
قدم خود چلتے چلتے آ کے رک جائے جہاں میرا
ذرا دور اور ہے اے کشتئ عمر رواں ساحل
کہ اس بحر جہاں میں ہر نفس ہے بادباں میرا
ہوئی جاتی ہے تنہائی میں لذت روح کی ضائع
لٹا جاتا ہے ویرانے میں گنج شائگاں میرا
عناصر ہنستے ہیں دنیا کی وسعت مسکراتی ہے
کسی سے پوچھتے ہیں اہل بینش جب نشاں میرا
مرے بعد اور پھر کوئی نظر مجھ سا نہیں آتا
بہت دن تک رکھیں گے سوگ اہل خانداں میرا
غنیمت ہے نفس دو چار جو باقی ہیں اب ورنہ
کبھی کا لٹ چکا سرمایۂ سود و زیاں میرا
ابھی تک فصل گل میں اک صدائے درد آتی ہے
وہاں کی خاک سے پہلے جہاں تھا آشیاں میرا
رواںؔ سچ ہے محبت کا اثر ضائع نہیں ہوتا
وہ رو دیتے ہیں اب بھی ذکر آتا ہے جہاں میرا