यूँ तो है ज़ेर-ए-नज़र हर माजरा देखा हुआ
फिर नहीं देखा है वो रंग-ए-हवा देखा हुआ
वो तिरा तर्ज़-ए-तग़ाफ़ुल ये तिरा बेगाना-पन
वो अलग देखा हुआ है ये जुदा देखा हुआ
देखते थे जिस को पहली बार हैरानी से हम
असल में पहले हमारा वो भी था देखा हुआ
तोड़ कर ही आरज़ू पहुँची कहीं पायान-ए-कार
घुप-अँधेरे में कोई बंद-ए-क़बा देखा हुआ
देखना पड़ता है क्या बतलाएँ फिर क्यूँ बार बार
वो जो मंज़र था हमारा बार-हा देखा हुआ
फ़र्क़ ही दोनों में कुछ बाक़ी नहीं अब तो कोई
क्या नहीं देखा हुआ है और क्या देखा हुआ
अजनबी मेरे लिए फिर भी है क्यूँ मेरा वजूद
दर-ब-दर ढूँडा हुआ और जा-ब-जा देखा हुआ
ये जो अन-देखी गुज़रगाहों पे हैं मेरे क़दम
शायद इन में भी है कोई रास्ता देखा हुआ
जो नई तर्ज़-ओ-रविश मुझ को दिखाते हो 'ज़फ़र'
ये तो मेरी जान सब कुछ है मिरा देखा हुआ
yuuñ to hai zer-e-nazar har mājrā dekhā huā
phir nahīñ dekhā hai vo rañg-e-havā dekhā huā
vo tirā tarz-e-taġhāful ye tirā begāna-pan
vo alag dekhā huā hai ye judā dekhā huā
dekhte the jis ko pahlī baar hairānī se ham
asl meñ pahle hamārā vo bhī thā dekhā huā
toḌ kar hī aarzū pahuñchī kahīñ pāyān-e-kār
ghup-añdhere meñ koī band-e-qabā dekhā huā
dekhnā paḌtā hai kyā batlā.eñ phir kyuuñ baar baar
vo jo manzar thā hamārā bār-hā dekhā huā
farq hī donoñ meñ kuchh baaqī nahīñ ab to koī
kyā nahīñ dekhā huā hai aur kyā dekhā huā
ajnabī mere liye phir bhī hai kyuuñ merā vajūd
dar-ba-dar DhūñDā huā aur jā-ba-jā dekhā huā
ye jo an-dekhī guzargāhoñ pe haiñ mere qadam
shāyad in meñ bhī hai koī rāstā dekhā huā
jo na.ī tarz-o-ravish mujh ko dikhāte ho 'zafar'
ye to merī jaan sab kuchh hai mirā dekhā huā
یوں تو ہے زیر نظر ہر ماجرا دیکھا ہوا
پھر نہیں دیکھا ہے وہ رنگ ہوا دیکھا ہوا
وہ ترا طرز تغافل یہ ترا بیگانہ پن
وہ الگ دیکھا ہوا ہے یہ جدا دیکھا ہوا
دیکھتے تھے جس کو پہلی بار حیرانی سے ہم
اصل میں پہلے ہمارا وہ بھی تھا دیکھا ہوا
توڑ کر ہی آرزو پہنچی کہیں پایان کار
گھپ اندھیرے میں کوئی بند قبا دیکھا ہوا
دیکھنا پڑتا ہے کیا بتلائیں پھر کیوں بار بار
وہ جو منظر تھا ہمارا بارہا دیکھا ہوا
فرق ہی دونوں میں کچھ باقی نہیں اب تو کوئی
کیا نہیں دیکھا ہوا ہے اور کیا دیکھا ہوا
اجنبی میرے لیے پھر بھی ہے کیوں میرا وجود
در بدر ڈھونڈا ہوا اور جا بجا دیکھا ہوا
یہ جو ان دیکھی گزر گاہوں پہ ہیں میرے قدم
شاید ان میں بھی ہے کوئی راستا دیکھا ہوا
جو نئی طرز و روش مجھ کو دکھاتے ہو ظفرؔ
یہ تو میری جان سب کچھ ہے مرا دیکھا ہوا