यूँ तसव्वुर में खिले गुल हैं तेरी बात के बाद
जैसे गुलशन में निखर जाए फ़ज़ा रात के बाद
बे-क़रारी न गई और न मिटी दिल की ख़लिश
न मुलाक़ात से पहले न मुलाक़ात के बाद
ग़म-ए-दुनिया भी नहीं ख़्वाहिश-ए-उक़्बा भी नहीं
क्या रहा दिल में मिरे इश्क़ के जज़्बात के बाद
शाम रंगीं हैं सहर में है न वो कैफ़-ओ-सुरूर
तेरी सोहबत में वो गुज़रे हुए लम्हात के बाद
रह-रव-ए-शौक़ ही क्या जो सर-ए-मंज़िल न लुटा
बाज़ी-ए-इश्क़ में आता है मज़ा मात के बाद
रू-ब-रू तेरे कोई बात बनाए न बने
किस तरह बात बने मेरी तिरी बात के बाद
मय में मस्ती है न मय-ख़ारों में वो जोश-ओ-ख़रोश
मय-कदा सूना हुआ रिंद-ए-ख़राबात के बाद
बादा-ए-हुस्न से सरशार रहे रोज़ 'हबीब'
कैफ़ हर कैफ़ है हर रात में हर रात के बाद
yuuñ tasavvur meñ khile gul haiñ terī baat ke baad
jaise gulshan meñ nikhar jaa.e fazā raat ke baad
be-qarārī na ga.ī aur na miTī dil kī ḳhalish
na mulāqāt se pahle na mulāqāt ke baad
ġham-e-duniyā bhī nahīñ ḳhvāhish-e-uqbā bhī nahīñ
kyā rahā dil meñ mire ishq ke jazbāt ke baad
shaam rañgīñ haiñ sahar meñ hai na vo kaif-o-surūr
terī sohbat meñ vo guzre hue lamhāt ke baad
rah-rav-e-shauq hī kyā jo sar-e-manzil na luTā
bāzī-e-ishq meñ aatā hai mazā maat ke baad
rū-ba-rū tere koī baat banā.e na bane
kis tarah baat bane merī tirī baat ke baad
mai meñ mastī hai na mai-ḳhāroñ meñ vo josh-o-ḳharosh
mai-kada suunā huā rind-e-ḳharābāt ke baad
bāda-e-husn se sarshār rahe roz 'habīb'
kaif har kaif hai har raat meñ har raat ke baad
یوں تصور میں کھلے گل ہیں تیری بات کے بعد
جیسے گلشن میں نکھر جائے فضا رات کے بعد
بے قراری نہ گئی اور نہ مٹی دل کی خلش
نہ ملاقات سے پہلے نہ ملاقات کے بعد
غم دنیا بھی نہیں خواہش عقبیٰ بھی نہیں
کیا رہا دل میں مرے عشق کے جذبات کے بعد
شام رنگیں ہیں سحر میں ہے نہ وہ کیف و سرور
تیری صحبت میں وہ گزرے ہوئے لمحات کے بعد
رہ رو شوق ہی کیا جو سر منزل نہ لٹا
بازیٔ عشق میں آتا ہے مزا مات کے بعد
رو بہ رو تیرے کوئی بات بنائے نہ بنے
کس طرح بات بنے میری تری بات کے بعد
مے میں مستی ہے نہ مے خاروں میں وہ جوش و خروش
مے کدہ سونا ہوا رند خرابات کے بعد
بادۂ حسن سے سرشار رہے روز حبیبؔ
کیف ہر کیف ہے ہر رات میں ہر رات کے بعد