यूँ पहुँचना है मुझे रूह की तुग़्यानी तक
जिस तरह रस्सी से जाता है घड़ा पानी तक
काटनी पड़ती है नाख़ुन से तकन की ज़ंजीर
यूँ ही आती नहीं मुश्किल कोई आसानी तक
ज़िंदगी तुझ से बनाए हुए रिश्ते की हवस
मुझ को ले आई है दुनिया की परेशानी तक
ऐसे जर्राहों का क़ब्ज़ा है सुख़न पर अफ़्सोस
कर नहीं सकते जो लफ़्ज़ों की मुसलमानी तक
अपने अंदर मैं किया करता हूँ राजा की तलाश
इस वसीले से पहुँचना है मुझे रानी तक
ऐसे लफ़्ज़ों को भी बे-ऐब बनाया हम ने
जिन की जाएज़ ही नहीं होती थी क़ुर्बानी तक
हुस्न का पाँव दबाती है जहाँ शोख़ हवा
इश्क़ ले आया है मुझ को इसी वीरानी तक
'फ़ैज़' हम लोग हैं इक ऐसी कचेहरी के वकील
फ़ौजदारी से पहुँचते हैं जो दीवानी तक
yuuñ pahuñchnā hai mujhe ruuh kī tuġhyānī tak
jis tarah rassī se jaatā hai ghaḌā paanī tak
kāTnī paḌtī hai nāḳhun se takan kī zanjīr
yuuñ hī aatī nahīñ mushkil koī āsānī tak
zindagī tujh se banā.e hue rishte kī havas
mujh ko le aa.ī hai duniyā kī pareshānī tak
aise jarrāhoñ kā qabza hai suḳhan par afsos
kar nahīñ sakte jo lafzoñ kī musalmānī tak
apne andar maiñ kiyā kartā huuñ raajā kī talāsh
is vasīle se pahuñchnā hai mujhe raanī tak
aise lafzoñ ko bhī be-aib banāyā ham ne
jin kī jaa.ez hī nahīñ hotī thī qurbānī tak
husn kā paañv dabātī hai jahāñ shoḳh havā
ishq le aayā hai mujh ko isī vīrānī tak
'faiz' ham log haiñ ik aisī kachehrī ke vakīl
faujdārī se pahuñchte haiñ jo dīvānī tak
یوں پہنچنا ہے مجھے روح کی طغیانی تک
جس طرح رسی سے جاتا ہے گھڑا پانی تک
کاٹنی پڑتی ہے ناخن سے تکن کی زنجیر
یوں ہی آتی نہیں مشکل کوئی آسانی تک
زندگی تجھ سے بنائے ہوئے رشتے کی ہوس
مجھ کو لے آئی ہے دنیا کی پریشانی تک
ایسے جراحوں کا قبضہ ہے سخن پر افسوس
کر نہیں سکتے جو لفظوں کی مسلمانی تک
اپنے اندر میں کیا کرتا ہوں راجا کی تلاش
اس وسیلے سے پہنچنا ہے مجھے رانی تک
ایسے لفظوں کو بھی بے عیب بنایا ہم نے
جن کی جائز ہی نہیں ہوتی تھی قربانی تک
حسن کا پاؤں دباتی ہے جہاں شوخ ہوا
عشق لے آیا ہے مجھ کو اسی ویرانی تک
فیضؔ ہم لوگ ہیں اک ایسی کچہری کے وکیل
فوجداری سے پہنچتے ہیں جو دیوانی تک