यूँ है तिरी तलाश पे अब तक यक़ीं मुझे
जैसे तू मिल ही जाएगा फिर से कहीं मुझे
मैं ने तो जो भी दिल में था चेहरे पे लिख लिया
तू है कि एक बार भी पढ़ता नहीं मुझे
ढलते ही शाम टूट पड़ा सर पे आसमाँ
फिर मेरा बोझ ले गया ज़ेर-ए-ज़मीं मुझे
ता'बीर जागती हुई आँखों को क्या मिले
इक ख़्वाब भी तो शब ने दिखाया नहीं मुझे
कंदा है मेरा नाम जहाँ आज भी 'नसीम'
पहचानते नहीं उसी घर के मकीं मुझे
yuuñ hai tirī talāsh pe ab tak yaqīñ mujhe
jaise tū mil hī jā.egā phir se kahīñ mujhe
maiñ ne to jo bhī dil meñ thā chehre pe likh liyā
tū hai ki ek baar bhī paḌhtā nahīñ mujhe
Dhalte hī shaam TuuT paḌā sar pe āsmāñ
phir merā bojh le gayā zer-e-zamīñ mujhe
ta.abīr jāgtī huī āñkhoñ ko kyā mile
ik ḳhvāb bhī to shab ne dikhāyā nahīñ mujhe
kanda hai merā naam jahāñ aaj bhī 'nasīm'
pahchānte nahīñ usī ghar ke makīñ mujhe
یوں ہے تری تلاش پہ اب تک یقیں مجھے
جیسے تو مل ہی جائے گا پھر سے کہیں مجھے
میں نے تو جو بھی دل میں تھا چہرے پہ لکھ لیا
تو ہے کہ ایک بار بھی پڑھتا نہیں مجھے
ڈھلتے ہی شام ٹوٹ پڑا سر پہ آسماں
پھر میرا بوجھ لے گیا زیر زمیں مجھے
تعبیر جاگتی ہوئی آنکھوں کو کیا ملے
اک خواب بھی تو شب نے دکھایا نہیں مجھے
کندہ ہے میرا نام جہاں آج بھی نسیمؔ
پہچانتے نہیں اسی گھر کے مکیں مجھے