अपनी मजबूरी बताता रहा रो कर मुझ को
वो मिला भी तो किसी और का हो कर मुझ को
मैं ख़ुदा तो नहीं जो उस को दिखाई न दिया
ढूँढता मेरा पुजारी कभी खो कर मुझ को
पा लिया जिस ने तह-ए-आब भी अपना साहिल
मुतमइन था मिरा तूफ़ान डुबो कर मुझ को
रेग-ए-साहिल पे लिखी वक़्त की तहरीर हूँ मैं
मौज आए तो चली जाएगी धो कर मुझ को
नींद ही जैसे कोई कुंज-ए-अमाँ है अब तो
चैन मिलता है बहुत देर से सो कर मुझ को
फ़स्ल-ए-गुल हो तो निकाले मुझे इस बर्ज़ख़ से
भूल जाए न तह-ए-संग वो बो कर मुझ को
apnī majbūrī batātā rahā ro kar mujh ko
vo milā bhī to kisī aur kā ho kar mujh ko
maiñ ḳhudā to nahīñ jo us ko dikhā.ī na diyā
DhūñDhtā merā pujārī kabhī kho kar mujh ko
pā liyā jis ne tah-e-āb bhī apnā sāhil
mutma.in thā mirā tūfān Dubo kar mujh ko
reg-e-sāhil pe likhī vaqt kī tahrīr huuñ maiñ
mauj aa.e to chalī jā.egī dho kar mujh ko
niiñd hī jaise koī kunj-e-amāñ hai ab to
chain miltā hai bahut der se so kar mujh ko
fasl-e-gul ho to nikāle mujhe is barzaḳh se
bhuul jaa.e na tah-e-sañg vo bo kar mujh ko
اپنی مجبوری بتاتا رہا رو کر مجھ کو
وہ ملا بھی تو کسی اور کا ہو کر مجھ کو
میں خدا تو نہیں جو اس کو دکھائی نہ دیا
ڈھونڈھتا میرا پجاری کبھی کھو کر مجھ کو
پا لیا جس نے تہہ آب بھی اپنا ساحل
مطمئن تھا مرا طوفان ڈبو کر مجھ کو
ریگ ساحل پہ لکھی وقت کی تحریر ہوں میں
موج آئے تو چلی جائے گی دھو کر مجھ کو
نیند ہی جیسے کوئی کنج اماں ہے اب تو
چین ملتا ہے بہت دیر سے سو کر مجھ کو
فصل گل ہو تو نکالے مجھے اس برزخ سے
بھول جائے نہ تہ سنگ وہ بو کر مجھ کو