बन गया है जिस्म गुज़रे क़ाफ़िलों की गर्द सा
कितना वीराँ कर गया मुझ को मिरा हमदर्द सा
क्या अभी तक उस का रस्ता रोकती है कोई सोच
मेरे हाथों में है उस का हाथ लेकिन सर्द सा
इस तरह घुल-मिल गया आ कर नए माहौल में
वो भी अब लगता है मेरे घर का ही इक फ़र्द सा
जज़्ब था जैसे कोई सूरज ही उस के जिस्म में
दूर से वो संग लगता था ब-ज़ाहिर सर्द सा
आज तक आँखों में है मंज़र बिछड़ने का 'नसीम'
पैरहन मेला सा उस का और चेहरा ज़र्द सा
ban gayā hai jism guzre qāfiloñ kī gard sā
kitnā vīrāñ kar gayā mujh ko mirā hamdard sā
kyā abhī tak us kā rasta roktī hai koī soch
mere hāthoñ meñ hai us kā haath lekin sard sā
is tarah ghul-mil gayā aa kar na.e māhaul meñ
vo bhī ab lagtā hai mere ghar kā hī ik fard sā
jazb thā jaise koī sūraj hī us ke jism meñ
duur se vo sañg lagtā thā ba-zāhir sard sā
aaj tak āñkhoñ meñ hai manzar bichhaḌne kā 'nasīm'
pairahan melā sā us kā aur chehrā zard sā
بن گیا ہے جسم گزرے قافلوں کی گرد سا
کتنا ویراں کر گیا مجھ کو مرا ہم درد سا
کیا ابھی تک اس کا رستہ روکتی ہے کوئی سوچ
میرے ہاتھوں میں ہے اس کا ہاتھ لیکن سرد سا
اس طرح گھل مل گیا آ کر نئے ماحول میں
وہ بھی اب لگتا ہے میرے گھر کا ہی اک فرد سا
جذب تھا جیسے کوئی سورج ہی اس کے جسم میں
دور سے وہ سنگ لگتا تھا بظاہر سرد سا
آج تک آنکھوں میں ہے منظر بچھڑنے کا نسیمؔ
پیرہن میلا سا اس کا اور چہرا زرد سا