यूँ भी नहीं कि शाम-ओ-सहर इंतिज़ार था
कहते नहीं थे मुँह से मगर इंतिज़ार था
मुद्दत के बा'द फूल की सूरत खिला था दिल
शबनम की तरह ताज़ा-ओ-तर इंतिज़ार था
बालों में धूल पाँव में छाले न थे मगर
फिर भी कुछ एक रंज-ए-सफ़र इंतिज़ार था
कोई ख़बर थी उस की परिंदों के शोर में
रंग-ए-हवा में शाख़-ओ-शजर इंतिज़ार था
यूँ थी जवाहरात लब-ओ-चश्म की झलक
जैसे ये कोई लाल-ओ-गुहर इंतिज़ार था
दालान-ओ-दर में एक तवक़्क़ो थी मौज मौज
दीवार-ओ-बाम थे कि भँवर इंतिज़ार था
ऐसे में ए'तिबार किसी पर न था मुझे
मैं भी था साथ साथ जिधर इंतिज़ार था
आँखें थीं ख़ुश्क ख़ुश्क तो दिल भी था बंद बंद
खुल ही नहीं रहा था किधर इंतिज़ार था
मायूस होने वाले न थे हम भी ऐ 'ज़फ़र'
आया नहीं तो बार-ए-दिगर इंतिज़ार था
yuuñ bhī nahīñ ki shām-o-sahar intizār thā
kahte nahīñ the muñh se magar intizār thā
muddat ke ba.ad phuul kī sūrat khilā thā dil
shabnam kī tarah tāza-o-tar intizār thā
bāloñ meñ dhuul paañv meñ chhāle na the magar
phir bhī kuchh ek ranj-e-safar intizār thā
koī ḳhabar thī us kī parindoñ ke shor meñ
rañg-e-havā meñ shāḳh-o-shajar intizār thā
yuuñ thī javāharāt lab-o-chashm kī jhalak
jaise ye koī la.al-o-gohar intizār thā
dālān-o-dar meñ ek tavaqqo.a thī mauj mauj
dīvār-o-bām the ki bhañvar intizār thā
aise meñ e'tibār kisī par na thā mujhe
maiñ bhī thā saath saath jidhar intizār thā
āñkheñ thiiñ ḳhushk ḳhushk to dil bhī thā band band
khul hī nahīñ rahā thā kidhar intizār thā
māyūs hone vaale na the ham bhī ai 'zafar'
aayā nahīñ to bār-e-digar intizār thā
یوں بھی نہیں کہ شام و سحر انتظار تھا
کہتے نہیں تھے منہ سے مگر انتظار تھا
مدت کے بعد پھول کی صورت کھلا تھا دل
شبنم کی طرح تازہ و تر انتظار تھا
بالوں میں دھول پاؤں میں چھالے نہ تھے مگر
پھر بھی کچھ ایک رنج سفر انتظار تھا
کوئی خبر تھی اس کی پرندوں کے شور میں
رنگ ہوا میں شاخ و شجر انتظار تھا
یوں تھی جواہرات لب و چشم کی جھلک
جیسے یہ کوئی لعل و گہر انتظار تھا
دالان و در میں ایک توقع تھی موج موج
دیوار و بام تھے کہ بھنور انتظار تھا
ایسے میں اعتبار کسی پر نہ تھا مجھے
میں بھی تھا ساتھ ساتھ جدھر انتظار تھا
آنکھیں تھیں خشک خشک تو دل بھی تھا بند بند
کھل ہی نہیں رہا تھا کدھر انتظار تھا
مایوس ہونے والے نہ تھے ہم بھی اے ظفرؔ
آیا نہیں تو بار دگر انتظار تھا