यूँ भी होता है कि यक दम कोई अच्छा लग जाए
बात कुछ भी न हो और दिल में तमाशा लग जाए
हम सवालात का हल सोच रहे हों अभी तक
और माथे पे मोहब्बत का नतीजा लग जाए
अभी दीवार उठाई भी न हो दिल की तरफ़
लेकिन इस में कोई दर कोई दरीचा लग जाए
क्या सितम है कि वही दूर रहा हो तुम से
और उसी शख़्स पे इल्ज़ाम तुम्हारा लग जाए
पूरी आवाज़ से इक रोज़ पुकारूँ तुझ को
और फिर मेरी ज़बाँ पर तिरा ताला लग जाए
और तो इस के सवा कुछ नहीं इम्कान कि अब
मेरे दरिया में कहीं तेरा किनारा लग जाए
मैं ने और दिल ने इसी बाब में सोचा है कि हम
काम कुछ भी न करें कोई वज़ीफ़ा लग जाए
क्या तमाशा है कि बाक़ी हो समुंदर का सफ़र
और साहिल से किसी रोज़ सफ़ीना लग जाए
ये भी मुमकिन है कि इस कार-गह-ए-दिल में 'ज़फ़र'
काम कोई करे और नाम किसी का लग जाए
yuuñ bhī hotā hai ki yak dam koī achchhā lag jaa.e
baat kuchh bhī na ho aur dil meñ tamāshā lag jaa.e
ham savālāt kā hal soch rahe hoñ abhī tak
aur māthe pe mohabbat kā natīja lag jaa.e
abhī dīvār uThā.ī bhī na ho dil kī taraf
lekin is meñ koī dar koī darīcha lag jaa.e
kyā sitam hai ki vahī duur rahā ho tum se
aur usī shaḳhs pe ilzām tumhārā lag jaa.e
puurī āvāz se ik roz pukārūñ tujh ko
aur phir merī zabāñ par tirā taalā lag jaa.e
aur to is ke savā kuchh nahīñ imkān ki ab
mere dariyā meñ kahīñ terā kināra lag jaa.e
maiñ ne aur dil ne isī baab meñ sochā hai ki ham
kaam kuchh bhī na kareñ koī vazīfa lag jaa.e
kyā tamāshā hai ki baaqī ho samundar kā safar
aur sāhil se kisī roz safīna lag jaa.e
ye bhī mumkin hai ki is kār-gah-e-dil meñ 'zafar'
kaam koī kare aur naam kisī kā lag jaa.e
یوں بھی ہوتا ہے کہ یک دم کوئی اچھا لگ جائے
بات کچھ بھی نہ ہو اور دل میں تماشا لگ جائے
ہم سوالات کا حل سوچ رہے ہوں ابھی تک
اور ماتھے پہ محبت کا نتیجہ لگ جائے
ابھی دیوار اٹھائی بھی نہ ہو دل کی طرف
لیکن اس میں کوئی در کوئی دریچہ لگ جائے
کیا ستم ہے کہ وہی دور رہا ہو تم سے
اور اسی شخص پہ الزام تمہارا لگ جائے
پوری آواز سے اک روز پکاروں تجھ کو
اور پھر میری زباں پر ترا تالا لگ جائے
اور تو اس کے سوا کچھ نہیں امکان کہ اب
میرے دریا میں کہیں تیرا کنارہ لگ جائے
میں نے اور دل نے اسی باب میں سوچا ہے کہ ہم
کام کچھ بھی نہ کریں کوئی وظیفہ لگ جائے
کیا تماشا ہے کہ باقی ہو سمندر کا سفر
اور ساحل سے کسی روز سفینہ لگ جائے
یہ بھی ممکن ہے کہ اس کار گہہ دل میں ظفرؔ
کام کوئی کرے اور نام کسی کا لگ جائے