ये ज़िंदगी हयात-नुमा हो तो बात है
ग़म ही ब-क़द्र-ए-ज़र्फ़ मिला हो तो बात है
शो'ला-फ़िशानियाँ भी तिरे इश्क़ तक रहें
इस दिल से फिर धुआँ भी उठा हो तो बात है
रंग-ए-ज़माना देख के तर्क-ए-वफ़ा सही
दिल से तिरा ख़याल गया हो तो बात है
आसूदगान-ए-ग़म की ख़िज़ाँ क्या बहार क्या
दिल में कोई भी ज़ख़्म खुला हो तो बात है
अहल-ए-जुनूँ ज़माने में रुस्वा हुए तो क्या
तू ने भी वो फ़साना सुना हो तो बात है
शिकवा तिरे तग़ाफ़ुल-ए-पैहम का क्या करें
अपना भी ए'तिबार किया हो तो बात है
'माहिर' है ख़िज़्र से भी सिवा गुमरही-पसंद
तुझ सा हसीन राह-नुमा हो तो बात है
ye zindagī hayāt-numā ho to baat hai
ġham hī ba-qadr-e-zarf milā ho to baat hai
sho.ala-fishāniyāñ bhī tire ishq tak raheñ
is dil se phir dhuāñ bhī uThā ho to baat hai
rang-e-zamāna dekh ke tark-e-vafā sahī
dil se tirā ḳhayāl gayā ho to baat hai
āsūdagān-e-ġham kī ḳhizāñ kyā bahār kyā
dil meñ koī bhī zaḳhm khulā ho to baat hai
ahl-e-junūñ zamāne meñ rusvā hue to kyā
tū ne bhī vo fasāna sunā ho to baat hai
shikva tire taġhāful-e-paiham kā kyā kareñ
apnā bhī e.atibār kiyā ho to baat hai
'māhir' hai ḳhizr se bhī sivā gumrahī-pasand
tujh sā hasīn rāh-numā ho to baat hai
یہ زندگی حیات نما ہو تو بات ہے
غم ہی بقدر ظرف ملا ہو تو بات ہے
شعلہ فشانیاں بھی ترے عشق تک رہیں
اس دل سے پھر دھواں بھی اٹھا ہو تو بات ہے
رنگ زمانہ دیکھ کے ترک وفا سہی
دل سے ترا خیال گیا ہو تو بات ہے
آسودگان غم کی خزاں کیا بہار کیا
دل میں کوئی بھی زخم کھلا ہو تو بات ہے
اہل جنوں زمانے میں رسوا ہوئے تو کیا
تو نے بھی وہ فسانہ سنا ہو تو بات ہے
شکوہ ترے تغافل پیہم کا کیا کریں
اپنا بھی اعتبار کیا ہو تو بات ہے
ماہرؔ ہے خضر سے بھی سوا گمرہی پسند
تجھ سا حسین راہنما ہو تو بات ہے