आज होगा न तमाशा कोई होने वाला
जा चुका ख़ून में पोशाक भिगोने वाला
जिस से ता-हश्र रग-ए-जाँ में उजाला करते
दाग़ होता कोई बे-दाग़ न होने वाला
तक रहा हूँ बड़ी मुद्दत से बड़ी हसरत से
घर की दहलीज़ पे बैठा है खिलौने वाला
अहल-ए-ग़म सारे सिकंदर की तरफ़ लौट गए
अब सर-ए-दार चराग़ाँ नहीं होने वाला
तुम भी इस शहर में बन जाओगे पत्थर जैसे
हँसने वाला है यहाँ कोई न रोने वाला
ख़्वाब-दर-ख़्वाब है वो तीरा-शबी का 'आलम
तू भी आए तो चराग़ाँ नहीं होने वाला
मीर-ए-मंज़िल से तबाही का सबब क्या पूछें
दूर बैठा है सफ़ीने को डुबोने वाला
चादर-ए-गुल के परस्तार कहाँ हो 'माहिर'
ढूँढता है तुम्हें सहरा में बिछौने वाला
aaj hogā na tamāshā koī hone vaalā
jā chukā ḳhuun meñ poshāk bhigone vaalā
jis se tā-hashr rag-e-jāñ meñ ujālā karte
daaġh hotā koī be-dāġh na hone vaalā
tak rahā huuñ baḌī muddat se baḌī hasrat se
ghar kī dahlīz pe baiThā hai khilaune vaalā
ahl-e-ġham saare sikandar kī taraf lauT ga.e
ab sar-e-dār charāġhāñ nahīñ hone vaalā
tum bhī is shahr meñ ban jāoge patthar jaise
hañsne vaalā hai yahāñ koī na rone vaalā
ḳhvāb-dar-ḳhvāb hai vo tīra-shabī kā 'ālam
tū bhī aa.e to charāġhāñ nahīñ hone vaalā
mīr-e-manzil se tabāhī kā sabab kyā pūchheñ
duur baiThā hai safīne ko Dubone vaalā
chādar-e-gul ke parastār kahāñ ho 'māhir'
DhūñDhtā hai tumheñ sahrā meñ bichhaune vaalā
آج ہوگا نہ تماشا کوئی ہونے والا
جا چکا خون میں پوشاک بھگونے والا
جس سے تا حشر رگ جاں میں اجالا کرتے
داغ ہوتا کوئی بے داغ نہ ہونے والا
تک رہا ہوں بڑی مدت سے بڑی حسرت سے
گھر کی دہلیز پہ بیٹھا ہے کھلونے والا
اہل غم سارے سکندر کی طرف لوٹ گئے
اب سر دار چراغاں نہیں ہونے والا
تم بھی اس شہر میں بن جاؤ گے پتھر جیسے
ہنسنے والا ہے یہاں کوئی نہ رونے والا
خواب در خواب ہے وہ تیرہ شبی کا عالم
تو بھی آئے تو چراغاں نہیں ہونے والا
میر منزل سے تباہی کا سبب کیا پوچھیں
دور بیٹھا ہے سفینے کو ڈبونے والا
چادر گل کے پرستار کہاں ہو ماہرؔ
ڈھونڈھتا ہے تمہیں صحرا میں بچھونے والا