चाँद के देस में है जी का ज़ियाँ सौदागर
मोल क्या दोगे ग़म-ए-दिल का वहाँ सौदागर
अब वो अगले से यहाँ मिस्र के बाज़ार नहीं
आ गए शहर-ए-तमन्ना में कहाँ सौदागर
दिल का हर ज़ख़्म है आईना तिरी सूरत का
तू ने देखी नहीं शीशों की दुकाँ सौदागर
हर गली चुप है कि आसेब का साया जैसे
शहर-ए-दिल से तिरी रुख़्सत का समाँ सौदागर
सहल इतना तो नहीं रूप-नगर से जाना
दूर तक जाएगा आहों का धुआँ सौदागर
नक़्द-ए-जाँ आए हैं बाज़ार में ले कर जब से
हो गई जिंस-ए-वफ़ा और गिराँ सौदागर
दिल के वीरान दरीचों पे चराग़ाँ 'माहिर'
कौन देता है सर-ए-शाम अज़ाँ सौदागर
chāñd ke des meñ hai jī kā ziyāñ saudāgar
mol kyā doge ġham-e-dil kā vahāñ saudāgar
ab vo agle se yahāñ misr ke bāzār nahīñ
aa ga.e shahr-e-tamannā meñ kahāñ saudāgar
dil kā har zaḳhm hai ā.īna tirī sūrat kā
tū ne dekhī nahīñ shīshoñ kī dukāñ saudāgar
har galī chup hai ki aaseb kā saaya jaise
shahr-e-dil se tirī ruḳhsat kā samāñ saudāgar
sahl itnā to nahīñ rūp-nagar se jaanā
duur tak jā.egā aahoñ kā dhuāñ saudāgar
naqd-e-jāñ aa.e haiñ bāzār meñ le kar jab se
ho ga.ī jins-e-vafā aur girāñ saudāgar
dil ke vīrān darīchoñ pe charāġhāñ 'māhir'
kaun detā hai sar-e-shām azaañ saudāgar
چاند کے دیس میں ہے جی کا زیاں سوداگر
مول کیا دو گے غم دل کا وہاں سوداگر
اب وہ اگلے سے یہاں مصر کے بازار نہیں
آ گئے شہر تمنا میں کہاں سوداگر
دل کا ہر زخم ہے آئینہ تری صورت کا
تو نے دیکھی نہیں شیشوں کی دکاں سوداگر
ہر گلی چپ ہے کہ آسیب کا سایہ جیسے
شہر دل سے تری رخصت کا سماں سوداگر
سہل اتنا تو نہیں روپ نگر سے جانا
دور تک جائے گا آہوں کا دھواں سوداگر
نقد جاں آئے ہیں بازار میں لے کر جب سے
ہو گئی جنس وفا اور گراں سوداگر
دل کے ویران دریچوں پہ چراغاں ماہرؔ
کون دیتا ہے سر شام اذاں سوداگر