ये ज़िंदगी है कि आसेब का सफ़र है मियाँ
चराग़ ले के निकलना बड़ा हुनर है मियाँ
पता चले जो मोहब्बत का दर्द ले के चलो
मिरे मकाँ की गली कितनी मुख़्तसर है मियाँ
नहाएँगी मिरी ज़ौ में हज़ार-हा सदियाँ
मैं वो चराग़ नहीं हूँ जो रात भर है मियाँ
तुम्हारी रात पे इतना ही तब्सिरा है बहुत
मकीं अँधेरे में हैं चाँदनी में घर है मियाँ
लिखा है वक़्त ने सदियों सफ़र के बा'द उसे
ये दौर झूट सही फिर भी मो'तबर है मियाँ
मिलेगी राख न तुम को हमारे चेहरे पर
बदन में रह के सुलगना बड़ा हुनर है मियाँ
अब इंतिज़ार की ताक़त नहीं रही 'क़ैसर'
कुछ और रोज़ न सोचा तो सब खंडर है मियाँ
ye zindagī hai ki aaseb kā safar hai miyāñ
charāġh le ke nikalnā baḌā hunar hai miyāñ
pata chale jo mohabbat kā dard le ke chalo
mire makāñ kī galī kitnī muḳhtasar hai miyāñ
nahā.eñgī mirī zau meñ hazār-hā sadiyāñ
maiñ vo charāġh nahīñ huuñ jo raat bhar hai miyāñ
tumhārī raat pe itnā hī tabsira hai bahut
makīñ añdhere meñ haiñ chāñdnī meñ ghar hai miyāñ
likhā hai vaqt ne sadiyoñ safar ke ba.ad use
ye daur jhuuT sahī phir bhī mo'atabar hai miyāñ
milegī raakh na tum ko hamāre chehre par
badan meñ rah ke sulagnā baḌā hunar hai miyāñ
ab intizār kī tāqat nahīñ rahī 'qaisar'
kuchh aur roz na sochā to sab khañDar hai miyāñ
یہ زندگی ہے کہ آسیب کا سفر ہے میاں
چراغ لے کے نکلنا بڑا ہنر ہے میاں
پتہ چلے جو محبت کا درد لے کے چلو
مرے مکاں کی گلی کتنی مختصر ہے میاں
نہائیں گی مری ضو میں ہزار ہا صدیاں
میں وہ چراغ نہیں ہوں جو رات بھر ہے میاں
تمہاری رات پہ اتنا ہی تبصرہ ہے بہت
مکیں اندھیرے میں ہیں چاندنی میں گھر ہے میاں
لکھا ہے وقت نے صدیوں سفر کے بعد اسے
یہ دور جھوٹ سہی پھر بھی معتبر ہے میاں
ملے گی راکھ نہ تم کو ہمارے چہرے پر
بدن میں رہ کے سلگنا بڑا ہنر ہے میاں
اب انتظار کی طاقت نہیں رہی قیصرؔ
کچھ اور روز نہ سوچا تو سب کھنڈر ہے میاں