ये ज़मीन आसमान का मुमकिन
नहीं सारे जहान का मुमकिन
अक़्ल की ख़ार-ज़ार वादी में
रख लिया है गुमान का मुमकिन
कुछ मिरे हाल-ए-ज़ार का इम्कान
कुछ तिरी आन-बान का मुमकिन
हैं वही ना-रसाई के नग़्मे
और वही मेहरबान का मुमकिन
कुछ ज़ियादा तबाह कर न सके
जिस्म के साथ जान का मुमकिन
आगे आगे हूँ मैं मिरे पीछे
है मिरे क़द्र-दान का मुमकिन
दूर-तर है सुराग़ का साहिल
धुँद में है निशान का मुमकिन
ला-मकानी ही ला-मकानी है
खो चुका है मकान का मुमकिन
इस बुढ़ापे में भी 'ज़फ़र' आ कर
कोई देखे जवान का मुमकिन
ye zamīn āsmān kā mumkin
nahīñ saare jahān kā mumkin
aql kī ḳhār-zār vaadī meñ
rakh liyā hai gumān kā mumkin
kuchh mire hāl-e-zār kā imkān
kuchh tirī ān-bān kā mumkin
haiñ vahī nā-rasā.ī ke naġhme
aur vahī mehrbān kā mumkin
kuchh ziyāda tabāh kar na sake
jism ke saath jaan kā mumkin
aage aage huuñ maiñ mire pīchhe
hai mire qadr-dān kā mumkin
dūr-tar hai surāġh kā sāhil
dhund meñ hai nishān kā mumkin
lā-makānī hī lā-makānī hai
kho chukā hai makān kā mumkin
is buḌhāpe meñ bhī 'zafar' aa kar
koī dekhe javān kā mumkin
یہ زمین آسمان کا ممکن
نہیں سارے جہان کا ممکن
عقل کی خار زار وادی میں
رکھ لیا ہے گمان کا ممکن
کچھ مرے حال زار کا امکان
کچھ تری آن بان کا ممکن
ہیں وہی نارسائی کے نغمے
اور وہی مہربان کا ممکن
کچھ زیادہ تباہ کر نہ سکے
جسم کے ساتھ جان کا ممکن
آگے آگے ہوں میں مرے پیچھے
ہے مرے قدردان کا ممکن
دور تر ہے سراغ کا ساحل
دھند میں ہے نشان کا ممکن
لا مکانی ہی لا مکانی ہے
کھو چکا ہے مکان کا ممکن
اس بڑھاپے میں بھی ظفرؔ آ کر
کوئی دیکھے جوان کا ممکن