ये रंग गुलाब की कली का
नक़्शा है किस की कम-सिनी का
बुलबुल की बहार में न पूछो
मुँह चूमती है कली कली का
हर वक़्त हैं मौत की दुआएँ
अल्लाह रे लुत्फ़ ज़िंदगी का
ग़ुंचों को सबा ने गुदगुदाया
दुश्वार है ज़ब्त अब हँसी का
समझे थे न हम कि तुम पे मरना
हो जाएगा रोग ज़िंदगी का
हों एक से सब हसीन क्यूँकर
है रंग जुदा कली कली का
मुँह फेर के यूँ चली जवानी
याद आ गया रूठना किसी का
आईना बना रहे हो दिल का
दिल टूट न जाए आरसी का
देखो न 'जलील' को मिटाओ
मिट जाएगा नाम आशिक़ी का
ye rañg gulāb kī kalī kā
naqsha hai kis kī kam-sinī kā
bulbul kī bahār meñ na pūchho
muñh chūmtī hai kalī kalī kā
har vaqt haiñ maut kī duā.eñ
allāh re lutf zindagī kā
ġhunchoñ ko sabā ne gudgudāyā
dushvār hai zabt ab hañsī kā
samjhe the na ham ki tum pe marnā
ho jā.egā rog zindagī kā
hoñ ek se sab hasīn kyūñkar
hai rañg judā kalī kalī kā
muñh pher ke yuuñ chalī javānī
yaad aa gayā rūThnā kisī kā
ā.īna banā rahe ho dil kā
dil TuuT na jaa.e aarsī kā
dekho na 'jalīl' ko miTāo
miT jā.egā naam āshiqī kā
یہ رنگ گلاب کی کلی کا
نقشہ ہے کس کی کم سنی کا
بلبل کی بہار میں نہ پوچھو
منہ چومتی ہے کلی کلی کا
ہر وقت ہیں موت کی دعائیں
اللہ رے لطف زندگی کا
غنچوں کو صبا نے گدگدایا
دشوار ہے ضبط اب ہنسی کا
سمجھے تھے نہ ہم کہ تم پہ مرنا
ہو جائے گا روگ زندگی کا
ہوں ایک سے سب حسین کیونکر
ہے رنگ جدا کلی کلی کا
منہ پھیر کے یوں چلی جوانی
یاد آ گیا روٹھنا کسی کا
آئینہ بنا رہے ہو دل کا
دل ٹوٹ نہ جائے آرسی کا
دیکھو نہ جلیلؔ کو مٹاؤ
مٹ جائے گا نام عاشقی کا