ये मरहले भी मोहब्बत के बाब में आए
बिछड़ गए थे जो हम से वो ख़्वाब में आए
वो जिस की राह में हम ने बिछाए ग़ुंचा-ओ-गुल
उसी मकान से पत्थर जवाब में आए
न जिस को दस्त-ए-हिनाई का तेरे लम्स मिले
कहाँ से बू-ए-वफ़ा उस गुलाब में आए
तुम्हारे हुस्न-ए-नज़र से हैं मो'तबर हम भी
जो हम किसी निगह-ए-इंतिख़ाब में आए
अगरचे मिस्ल है आब-ए-रवाँ के रेग-ए-सराब
कहाँ से शोरिश-ए-दरिया सराब में आए
तिरे ख़याल का पैकर सजा है सीने में
हम इस तरह तिरी चश्म-ए-ख़ुश-आब में आए
हवा के दोश पे उस ने लिखा है नाम-ए-'रईस'
ये सुन के लोग बहुत पेच-ओ-ताब में आए
ye marhale bhī mohabbat ke baab meñ aa.e
bichhaḌ ga.e the jo ham se vo ḳhvāb meñ aa.e
vo jis kī raah meñ ham ne bichhā.e ġhuncha-o-gul
usī makān se patthar javāb meñ aa.e
na jis ko dast-e-hinā.ī kā tere lams mile
kahāñ se bū-e-vafā us gulāb meñ aa.e
tumhāre husn-e-nazar se haiñ mo'atabar ham bhī
jo ham kisī nigah-e-intiḳhāb meñ aa.e
agarche misl hai āb-e-ravāñ ke reg-e-sarāb
kahāñ se shorish-e-dariyā sarāb meñ aa.e
tire ḳhayāl kā paikar sajā hai siine meñ
ham is tarah tirī chashm-e-ḳhush-āb meñ aa.e
havā ke dosh pe us ne likhā hai nām-e-'ra.īs'
ye sun ke log bahut pech-o-tāb meñ aa.e
یہ مرحلے بھی محبت کے باب میں آئے
بچھڑ گئے تھے جو ہم سے وہ خواب میں آئے
وہ جس کی راہ میں ہم نے بچھائے غنچہ و گل
اسی مکان سے پتھر جواب میں آئے
نہ جس کو دست حنائی کا تیرے لمس ملے
کہاں سے بوئے وفا اس گلاب میں آئے
تمہارے حسن نظر سے ہیں معتبر ہم بھی
جو ہم کسی نگہ انتخاب میں آئے
اگرچہ مثل ہے آب رواں کے ریگ سراب
کہاں سے شورش دریا سراب میں آئے
ترے خیال کا پیکر سجا ہے سینے میں
ہم اس طرح تری چشم خوش آب میں آئے
ہوا کے دوش پہ اس نے لکھا ہے نام رئیسؔ
یہ سن کے لوگ بہت پیچ و تاب میں آئے