जो आ सको तो बताओ कि इंतिज़ार करें
वगर्ना अपने मुक़द्दर पे ए'तिबार करें
चराग़-ए-ख़ाना-ए-उम्मीद है अभी रौशन
अभी न तर्क-ए-तअ'ल्लुक़ को इख़्तियार करें
हमारे तूल-ए-मसाफ़त का ये तक़ाज़ा है
शरीक-ए-हाल तुझे ऐ ख़याल-ए-यार करें
ये गुल-रुख़ों का है शेवा ब-नाम-ए-नाज़-ओ-अदा
निगाह-ए-आशिक़-ए-बिस्मिल को अश्क-बार करें
ये अहल-ए-इश्क़ को ज़ेबा नहीं सर-ए-बाज़ार
जुनूँ के नाम पे दामाँ को तार तार करें
हमारे आबा-ओ-अज्दाद का ये विर्सा है
ज़मीन-ए-दश्त को सर्माया-ए-बहार करें
जवाज़-ए-ज़िंदगी ठहरी है जिस की याद 'रईस'
उसी से दिल के तअल्लुक़ को उस्तुवार करें
jo aa sako to batāo ki intizār kareñ
vagarna apne muqaddar pe e.atibār kareñ
charāġh-e-ḳhāna-e-ummīd hai abhī raushan
abhī na tark-e-ta.alluq ko iḳhtiyār kareñ
hamāre tūl-e-masāfat kā ye taqāzā hai
sharīk-e-hāl tujhe ai ḳhayāl-e-yār kareñ
ye gul-ruḳhoñ kā hai sheva ba-nām-e-nāz-o-adā
nigāh-e-āshiq-e-bismil ko ashk-bār kareñ
ye ahl-e-ishq ko zebā nahīñ sar-e-bāzār
junūñ ke naam pe dāmāñ ko taar taar kareñ
hamāre ābā-o-ajdād kā ye virsa hai
zamīn-e-dasht ko sarmāya-e-bahār kareñ
javāz-e-zindagī Thahrī hai jis kī yaad 'ra.īs'
usī se dil ke ta.alluq ko ustuvār kareñ
جو آ سکو تو بتاؤ کہ انتظار کریں
وگرنہ اپنے مقدر پہ اعتبار کریں
چراغ خانۂ امید ہے ابھی روشن
ابھی نہ ترک تعلق کو اختیار کریں
ہمارے طول مسافت کا یہ تقاضا ہے
شریک حال تجھے اے خیال یار کریں
یہ گل رخوں کا ہے شیوہ بہ نام ناز و ادا
نگاہ عاشق بسمل کو اشک بار کریں
یہ اہل عشق کو زیبا نہیں سر بازار
جنوں کے نام پہ داماں کو تار تار کریں
ہمارے آبا و اجداد کا یہ ورثہ ہے
زمین دشت کو سرمایۂ بہار کریں
جواز زندگی ٹھہری ہے جس کی یاد رئیسؔ
اسی سے دل کے تعلق کو استوار کریں