ये किस रश्क-ए-मसीहा का मकाँ है
ज़मीं याँ की चहारुम आसमाँ है
ख़ुदा पिन्हाँ है आलम आश्कारा
निहाँ है गंज वीराना अयाँ है
दिल-ए-रौशन है रौशन-गर की मंज़िल
ये आईना सिकंदर का मकाँ है
तकल्लुफ़ से बरी है हुस्न-ए-ज़ाती
क़बा-ए-गुल में गुल-बूटा कहाँ है
पसीजेगा कभी तो दिल किसी का
हमेशा अपनी आहों का धुआँ है
ब-रंग-ए-बू हूँ गुलशन में मैं बुलबुल
बग़ल ग़ुंचे के मेरा आशियाँ है
शगुफ़्ता रहती है ख़ातिर हमेशा
क़नाअ'त भी बहार-ए-बे-ख़िज़ाँ है
चमन की सैर पर होता है झगड़ा
कमर मेरी है दस्त-ए-बाग़बाँ है
बहुत आता है याद ऐ सब्र-ए-मिस्कीं
ख़ुदा ख़ुश रक्खे तुझ को तू जहाँ है
इलाही एक दिल किस किस को दूँ मैं
हज़ारों बुत हैं याँ हिन्दोस्ताँ है
यक़ीं होता है ख़ुशबूई से इस के
किसी गुल-रू का ग़ुंचा इत्र-दाँ है
वतन में अपने अहल-ए-शौक़ की तरह
सफ़र में रोज़-ओ-शब रेग-ए-रवाँ है
सहर होवे कहीं शबनम करे कूच
गुल ओ बुलबुल का दरिया दरमियाँ है
सआदत-मंद क़िस्मत पर हैं शाकिर
हुमा को मग़्ज़-ए-बादाम उस्तुख़्वाँ है
दिल-ए-बेताब जो इस में गिरे हैं
ज़क़न जानाँ का पारा का कुआँ है
जरस के साथ दिल रहते हैं नालाँ
मिरे यूसुफ़ का आशिक़ कारवाँ है
न कह रिंदों को हर्फ़-ए-सख़्त वाइ'ज़
दुरुश्त अहल-ए-जहन्नुम की ज़बाँ है
क़द-ए-महबूब को शाएर कहें सर्व
क़यामत का ये ऐ 'आतिश' निशाँ है
ye kis rashk-e-masīhā kā makāñ hai
zamīñ yaañ kī chahārum āsmāñ hai
ḳhudā pinhāñ hai aalam āshkārā
nihāñ hai ganj vīrāna ayaañ hai
dil-e-raushan hai raushan-gar kī manzil
ye ā.īna sikandar kā makāñ hai
takalluf se barī hai husn-e-zātī
qabā-e-gul meñ gul-būTā kahāñ hai
pasījegā kabhī to dil kisī kā
hamesha apnī aahoñ kā dhuāñ hai
ba-rañg-e-bū huuñ gulshan meñ maiñ bulbul
baġhal ġhunche ke merā āshiyāñ hai
shagufta rahtī hai ḳhātir hamesha
qanā.at bhī bahār-e-be-ḳhizāñ hai
chaman kī sair par hotā hai jhagḌā
kamar merī hai dast-e-bāġhbāñ hai
bahut aatā hai yaad ai sabr-e-miskīñ
ḳhudā ḳhush rakkhe tujh ko tū jahāñ hai
ilāhī ek dil kis kis ko duuñ maiñ
hazāroñ but haiñ yaañ hindostāñ hai
yaqīñ hotā hai ḳhushbūī se is ke
kisī gul-rū kā ġhuncha itr-dāñ hai
vatan meñ apne ahl-e-shauq kī tarah
safar meñ roz-o-shab reg-e-ravāñ hai
sahar hove kahīñ shabnam kare kuuch
gul o bulbul kā dariyā darmiyāñ hai
sa.ādat-mand qismat par haiñ shākir
humā ko maġhz-e-bādām ustuḳhvāñ hai
dil-e-betāb jo is meñ gire haiñ
zaqan jānāñ kā paara kā kuaañ hai
jaras ke saath dil rahte haiñ nālāñ
mire yūsuf kā āshiq kārvāñ hai
na kah rindoñ ko harf-e-saḳht vaa.iz
durusht ahl-e-jahannum kī zabāñ hai
qad-e-mahbūb ko shā.er kaheñ sarv
qayāmat kā ye ai 'ātish' nishāñ hai
یہ کس رشک مسیحا کا مکاں ہے
زمیں یاں کی چہارم آسماں ہے
خدا پنہاں ہے عالم آشکارا
نہاں ہے گنج ویرانہ عیاں ہے
دل روشن ہے روشن گر کی منزل
یہ آئینہ سکندر کا مکاں ہے
تکلف سے بری ہے حسن ذاتی
قبائے گل میں گل بوٹا کہاں ہے
پسیجے گا کبھی تو دل کسی کا
ہمیشہ اپنی آہوں کا دھواں ہے
برنگ بو ہوں گلشن میں میں بلبل
بغل غنچے کے میرا آشیاں ہے
شگفتہ رہتی ہے خاطر ہمیشہ
قناعت بھی بہار بے خزاں ہے
چمن کی سیر پر ہوتا ہے جھگڑا
کمر میری ہے دست باغباں ہے
بہت آتا ہے یاد اے صبر مسکیں
خدا خوش رکھے تجھ کو تو جہاں ہے
الٰہی ایک دل کس کس کو دوں میں
ہزاروں بت ہیں یاں ہندوستاں ہے
یقیں ہوتا ہے خوشبوئی سے اس کے
کسی گل رو کا غنچہ عطرداں ہے
وطن میں اپنے اہل شوق کی طرح
سفر میں روز و شب ریگ رواں ہے
سحر ہووے کہیں شبنم کرے کوچ
گل و بلبل کا دریا درمیاں ہے
سعادت مند قسمت پر ہیں شاکر
ہما کو مغز بادام استخواں ہے
دل بے تاب جو اس میں گرے ہیں
ذقن جاناں کا پارہ کا کنواں ہے
جرس کے ساتھ دل رہتے ہیں نالاں
مرے یوسف کا عاشق کارواں ہے
نہ کہہ رندوں کو حرف سخت واعظ
درشت اہل جہنم کی زباں ہے
قد محبوب کو شاعر کہیں سرو
قیامت کا یہ اے آتشؔ نشاں ہے