ये किस ने अहद-ए-फ़रामोश से सदा दी है
अभी चराग़ जलाए ही थे हवा दी है
ये विर्सा हम से नई नस्ल को कभी न मिले
ज़बाँ हमारे बुज़ुर्गों ने बे-नवा दी है
ख़िराज-ए-आरज़ू-ए-मौसम-ए-बहार है ये
लहू लहू जो मिरे पैरहन की वादी है
कोई भी घर से न निकले चराग़-ए-दिल ले कर
अमीर-ए-शहर की ये शहर में मुनादी है
मिली है ये मह-ओ-अंजुम से दोस्ती की सज़ा
कि आफ़्ताब ने बीनाई तक जला दी है
कहाँ से काटोगे कल तुम मसर्रतें 'आबिद'
ये फ़स्ल-ए-अश्क जो हर आँख में उगा दी है
ye kis ne ahd-e-farāmosh se sadā dī hai
abhī charāġh jalā.e hī the havā dī hai
ye virsa ham se na.ī nasl ko kabhī na mile
zabāñ hamāre buzurgoñ ne be-navā dī hai
ḳhirāj-e-ārzū-e-mausam-e-bahār hai ye
lahū lahū jo mire pairahan kī vaadī hai
koī bhī ghar se na nikle charāġh-e-dil le kar
amīr-e-shahr kī ye shahr meñ munādī hai
milī hai ye mah-o-anjum se dostī kī sazā
ki āftāb ne bīnā.ī tak jalā dī hai
kahāñ se kāTo.ge kal tum masarrateñ 'ābid'
ye fasl-e-ashk jo har aañkh meñ ugā dī hai
یہ کس نے عہد فراموش سے صدا دی ہے
ابھی چراغ جلائے ہی تھے ہوا دی ہے
یہ ورثہ ہم سے نئی نسل کو کبھی نہ ملے
زباں ہمارے بزرگوں نے بے نوا دی ہے
خراج آرزوئے موسم بہار ہے یہ
لہو لہو جو مرے پیرہن کی وادی ہے
کوئی بھی گھر سے نہ نکلے چراغ دل لے کر
امیر شہر کی یہ شہر میں منادی ہے
ملی ہے یہ مہ و انجم سے دوستی کی سزا
کہ آفتاب نے بینائی تک جلا دی ہے
کہاں سے کاٹو گے کل تم مسرتیں عابدؔ
یہ فصل اشک جو ہر آنکھ میں اگا دی ہے