अश्क उमडें तो उन्हें पलकों पे रोका जाए
क्यों ये पिंदार-ए-वफ़ा सूरत-ए-गिर्या जाए
जब से देखे हैं तिरी आँखों के सागर हम ने
इक नई आरज़ू उभरी है कि डूबा जाए
मैं समाअ'त में समेटे हूँ हज़ारों दुश्नाम
ज़ब्त-ए-ग़म का है ये इरशाद न बोला जाए
हम को इस ख़्वाब-ए-मोहब्बत से जगाया किस ने
नक़्श चेहरों पे अदावत का न देखा जाए
ज़ख़्म-ख़ुर्दा न कहीं उँगलियाँ वहशत हो जाएँ
बरबत-ए-दिल को किसी के न यूँ छेड़ा जाए
दिल है मस्लूब-ए-अना बाम पे सूरज भी नहीं
किस तरह घर के अँधेरों को उजाला जाए
पाँव जब ख़ार-ए-मुग़ीलाँ से हैं छलनी 'आबिद'
क्यों न फिर आतिश-ए-नमरूद में उतरा जाए
ashk umDeñ to unheñ palkoñ pe rokā jaa.e
kyoñ ye pindār-e-vafā sūrat-e-girya jaa.e
jab se dekhe haiñ tirī āñkhoñ ke sāgar ham ne
ik na.ī aarzū ubhrī hai ki Duubā jaa.e
maiñ samā.at meñ sameTe huuñ hazāroñ dushnām
zabt-e-ġham kā hai ye irshād na bolā jaa.e
ham ko is ḳhvāb-e-mohabbat se jagāyā kis ne
naqsh chehroñ pe adāvat kā na dekhā jaa.e
zaḳhm-ḳhurda na kahīñ uñgliyāñ vahshat ho jaa.eñ
barbat-e-dil ko kisī ke na yuuñ chheḌā jaa.e
dil hai maslūb-e-anā baam pe sūraj bhī nahīñ
kis tarah ghar ke añdheroñ ko ujālā jaa.e
paañv jab ḳhār-e-muġhīlāñ se haiñ chhalnī 'ābid'
kyoñ na phir ātish-e-namrūd meñ utrā jaa.e
اشک امڈیں تو انہیں پلکوں پہ روکا جائے
کیوں یہ پندار وفا صورت گریہ جائے
جب سے دیکھے ہیں تری آنکھوں کے ساگر ہم نے
اک نئی آرزو ابھری ہے کہ ڈوبا جائے
میں سماعت میں سمیٹے ہوں ہزاروں دشنام
ضبط غم کا ہے یہ ارشاد نہ بولا جائے
ہم کو اس خواب محبت سے جگایا کس نے
نقش چہروں پہ عداوت کا نہ دیکھا جائے
زخم خوردہ نہ کہیں انگلیاں وحشت ہو جائیں
بربط دل کو کسی کے نہ یوں چھیڑا جائے
دل ہے مصلوب انا بام پہ سورج بھی نہیں
کس طرح گھر کے اندھیروں کو اجالا جائے
پاؤں جب خار مغیلاں سے ہیں چھلنی عابدؔ
کیوں نہ پھر آتش نمرود میں اترا جائے