अबस है शाख़-ए-क़द-आवर पे आशियाँ रखना
ज़मीं को रास कब आया है आसमाँ रखना
सफ़र करो कि ठहर जाओ इक अज़ाब है ये
क़दम को हिजरत-ओ-मंज़िल के दरमियाँ रखना
किसी का शोर-ए-फ़ुग़ाँ सुन के याद आया बहुत
फ़सील-ए-ग़म में मिरा दर्द-ए-बे-ज़बाँ रखना
खुली फ़ज़ा में तो शबनम भी बार लगती है
अगर है तर्ज़-ए-कुहन सर पे साएबाँ रखना
ये लोग अपनी ही दीवार के नक़ब-ज़न हैं
कभी न भूल के तुम घर का पासबाँ रखना
है नाव मौजों की ज़द में मगर हमें 'आबिद'
न आया बाद-ए-मुख़ालिफ़ पे बादबाँ रखना
abas hai shāḳh-e-qad-āvar pe āshiyāñ rakhnā
zamīñ ko raas kab aaya hai āsmāñ rakhnā
safar karo ki Thahar jaao ik azaab hai ye
qadam ko hijrat-o-manzil ke darmiyāñ rakhnā
kisī kā shor-e-fuġhāñ sun ke yaad aaya bahut
fasīl-e-ġham meñ mirā dard-e-be-zabāñ rakhnā
khulī fazā meñ to shabnam bhī baar lagtī hai
agar hai tarz-e-kuhan sar pe sā.ebāñ rakhnā
ye log apnī hī dīvār ke naqab-zan haiñ
kabhī na bhuul ke tum ghar kā pāsbāñ rakhnā
hai naav maujoñ kī zad meñ magar hameñ 'ābid'
na aaya bād-e-muḳhālif pe bādbāñ rakhnā
عبث ہے شاخ قد آور پہ آشیاں رکھنا
زمیں کو راس کب آیا ہے آسماں رکھنا
سفر کرو کہ ٹھہر جاؤ اک عذاب ہے یہ
قدم کو ہجرت و منزل کے درمیاں رکھنا
کسی کا شور فغاں سن کے یاد آیا بہت
فصیل غم میں مرا درد بے زباں رکھنا
کھلی فضا میں تو شبنم بھی بار لگتی ہے
اگر ہے طرز کہن سر پہ سائباں رکھنا
یہ لوگ اپنی ہی دیوار کے نقب زن ہیں
کبھی نہ بھول کے تم گھر کا پاسباں رکھنا
ہے ناؤ موجوں کی زد میں مگر ہمیں عابدؔ
نہ آیا باد مخالف پہ بادباں رکھنا