दर्द की आँच में जलता है ये घर क्या कीजे
ख़्वाब होती है तमन्ना की सहर क्या कीजे
हम भी मानूस नहीं दिल के अँधेरों से अभी
ताएर-ए-शब भी है खोले हुए पर क्या कीजे
दूर मंज़िल है कड़ी धूप में करना है सफ़र
कट गए राह में जितने थे शजर क्या कीजे
वो गए वक़्त की मानिंद न लौटेगा कभी
अब लुटा कर ये वफ़ाओं के गुहर क्या कीजे
बे-गवाही के भँवर में है मिरी ज़ात कि अब
आँख की झील भी होती नहीं तर क्या कीजे
बारिश-ए-संग तो बे-वज्ह नहीं है 'आबिद'
आ गया मुझ को वफ़ाओं का हुनर क्या कीजे
dard kī aañch meñ jaltā hai ye ghar kyā kiije
ḳhvāb hotī hai tamanna kī sahar kyā kiije
ham bhī mānūs nahīñ dil ke añdheroñ se abhī
tā.er-e-shab bhī hai khole hue par kyā kiije
duur manzil hai kaḌī dhuup meñ karnā hai safar
kaT ga.e raah meñ jitne the shajar kyā kiije
vo ga.e vaqt kī mānind na lauTegā kabhī
ab luTā kar ye vafāoñ ke guhar kyā kiije
be-gavāhī ke bhañvar meñ hai mirī zaat ki ab
aañkh kī jhiil bhī hotī nahīñ tar kyā kiije
bārish-e-sang to be-vaj.h nahīñ hai 'ābid'
aa gayā mujh ko vafāoñ kā hunar kyā kiije
درد کی آنچ میں جلتا ہے یہ گھر کیا کیجے
خواب ہوتی ہے تمنا کی سحر کیا کیجے
ہم بھی مانوس نہیں دل کے اندھیروں سے ابھی
طائر شب بھی ہے کھولے ہوئے پر کیا کیجے
دور منزل ہے کڑی دھوپ میں کرنا ہے سفر
کٹ گئے راہ میں جتنے تھے شجر کیا کیجے
وہ گئے وقت کی مانند نہ لوٹے گا کبھی
اب لٹا کر یہ وفاؤں کے گہر کیا کیجے
بے گواہی کے بھنور میں ہے مری ذات کہ اب
آنکھ کی جھیل بھی ہوتی نہیں تر کیا کیجے
بارش سنگ تو بے وجہ نہیں ہے عابدؔ
آ گیا مجھ کو وفاؤں کا ہنر کیا کیجے