ये कहना उस से ऐ क़ासिद जो महव-ए-ख़ुद-परस्ती है
कि तेरे देखने को आँख मुद्दत से तरसती है
बने हैं जब से वो साक़ी मज़े की मय-परस्ती है
इधर मय है पियालों में उधर आँखों में मस्ती है
तिरी आँखों के सदक़े एक दुनिया उन में बस्ती है
फ़ुसूँ है सेहर है एजाज़ है शोख़ी है मस्ती है
तबाही दिल में रहती है ख़राबी दिल में बस्ती है
यही आबाद बस्ती है यही वीरान बस्ती है
निगाहों से मिलाता हूँ निगाहें इस तमन्ना में
वो मेरे दिल में आ जाए जो उन आँखों में मस्ती है
वो जिंस-ए-दिल की क़ीमत पूछते हैं मैं बताऊँ क्या
यही महँगी सी महँगी है यही सस्ती सी सस्ती है
न सहबा है न साग़र है न मीना है न ख़ुम साक़ी
मुझे जो मस्त करती है तिरी आँखों की मस्ती है
अज़ल से हक़-परस्ती बुत-परस्ती सुनते आते हैं
मगर ये आप का मशरब निराला ख़ुद-परस्ती है
जवानी ने दिए हैं उन को ला कर हम-नशीं क्या क्या
अदा में नाज़ चितवन में हया आँखों में मस्ती है
मदार-ए-ज़िंदगी ठहरा नफ़स की आमद-ओ-शुद पर
हवा के ज़ोर से रौशन चराग़-ए-बज़्म-ए-हस्ती है
तमाशा है मिरी रिंदी कि साग़र हाथ में ले कर
हर इक से पूछता हूँ मैं कहीं थोड़ी सी मस्ती है
फ़िराक़-ए-रूह क्यूँकर हो गवारा जिस्म-ए-इंसाँ को
उजड़ कर फिर नहीं आबाद होती ये वो बस्ती है
वो मय-कश हूँ कि आता है जो लब पर नाम तौबा का
तो मुझ पर जोश में आ कर घटा क्या क्या बरसती है
अजब शय जिंस-ए-उल्फ़त है कि दिल जाए तो हाथ आए
हमेशा एक क़ीमत है न महँगी है न सस्ती है
जभी तक अक्स क़ाएम है कि आईना मुक़ाबिल हो
हमारी ये हक़ीक़त है हमारी इतनी हस्ती है
यक़ीं जानो कि मुँह देखी मोहब्बत हम नहिं रखते
वो आईना है जो वारफ़्ता-ए-सूरत-परस्ती है
बहुत झटके न दे दस्त-ए-जुनूँ जैब-ओ-गरेबाँ को
रहे तुझ को लिहाज़ इस का पुराना रख़्त-ए-हस्ती है
दिल-ए-आशिक़ में हसरत भी है अरमाँ भी तमन्ना भी
वो जिस बस्ती में रहते हैं बड़ी आबाद बस्ती है
फ़ना अव्वल भी थी आख़िर भी होना है फ़ना हम को
करें क्या दो अदम के बीच में इक अपनी हस्ती है
'जलील' उस्ताद का कहना सुनो बाँधो कमर तुम भी
अजब बस्ती मदीना है जहाँ रहमत बरसती है
ye kahnā us se ai qāsid jo mahv-e-ḳhud-parastī hai
ki tere dekhne ko aañkh muddat se tarastī hai
bane haiñ jab se vo saaqī maze kī mai-parastī hai
idhar mai hai piyāloñ meñ udhar āñkhoñ meñ mastī hai
tirī āñkhoñ ke sadqe ek duniyā un meñ bastī hai
fusūñ hai sehr hai e.ajāz hai shoḳhī hai mastī hai
tabāhī dil meñ rahtī hai ḳharābī dil meñ bastī hai
yahī ābād bastī hai yahī vīrān bastī hai
nigāhoñ se milātā huuñ nigāheñ is tamannā meñ
vo mere dil meñ aa jaa.e jo un āñkhoñ meñ mastī hai
vo jins-e-dil kī qīmat pūchhte haiñ maiñ batā.ūñ kyā
yahī mahñgī sī mahñgī hai yahī sastī sī sastī hai
na sahbā hai na sāġhar hai na miinā hai na ḳhum saaqī
mujhe jo mast kartī hai tirī āñkhoñ kī mastī hai
azal se haq-parastī but-parastī sunte aate haiñ
magar ye aap kā mashrab nirālā ḳhud-parastī hai
javānī ne diye haiñ un ko lā kar ham-nashīñ kyā kyā
adā meñ naaz chitvan meñ hayā āñkhoñ meñ mastī hai
madār-e-zindagī Thahrā nafas kī āmad-o-shud par
havā ke zor se raushan charāġh-e-bazm-e-hastī hai
tamāshā hai mirī rindī ki sāġhar haath meñ le kar
har ik se pūchhtā huuñ maiñ kahīñ thoḌī sī mastī hai
firāq-e-rūh kyūñkar ho gavārā jism-e-insāñ ko
ujaḌ kar phir nahīñ ābād hotī ye vo bastī hai
vo mai-kash huuñ ki aatā hai jo lab par naam tauba kā
to mujh par josh meñ aa kar ghaTā kyā kyā barastī hai
ajab shai jins-e-ulfat hai ki dil jaa.e to haath aa.e
hamesha ek qīmat hai na mahñgī hai na sastī hai
jabhī tak aks qaa.em hai ki ā.īna muqābil ho
hamārī ye haqīqat hai hamārī itnī hastī hai
yaqīñ jaano ki muñh dekhī mohabbat ham nahiñ rakhte
vo ā.īna hai jo vārafta-e-sūrat-parastī hai
bahut jhaTke na de dast-e-junūñ jaib-o-garebāñ ko
rahe tujh ko lihāz is kā purānā raḳht-e-hastī hai
dil-e-āshiq meñ hasrat bhī hai armāñ bhī tamannā bhī
vo jis bastī meñ rahte haiñ baḌī ābād bastī hai
fanā avval bhī thī āḳhir bhī honā hai fanā ham ko
kareñ kyā do adam ke biich meñ ik apnī hastī hai
'jalīl' ustād kā kahnā suno bāñdho kamar tum bhī
ajab bastī madīna hai jahāñ rahmat barastī hai
یہ کہنا اس سے اے قاصد جو محو خود پرستی ہے
کہ تیرے دیکھنے کو آنکھ مدت سے ترستی ہے
بنے ہیں جب سے وہ ساقی مزے کی مے پرستی ہے
ادھر مے ہے پیالوں میں ادھر آنکھوں میں مستی ہے
تری آنکھوں کے صدقے ایک دنیا ان میں بستی ہے
فسوں ہے سحر ہے اعجاز ہے شوخی ہے مستی ہے
تباہی دل میں رہتی ہے خرابی دل میں بستی ہے
یہی آباد بستی ہے یہی ویران بستی ہے
نگاہوں سے ملاتا ہوں نگاہیں اس تمنا میں
وہ میرے دل میں آ جائے جو ان آنکھوں میں مستی ہے
وہ جنس دل کی قیمت پوچھتے ہیں میں بتاؤں کیا
یہی مہنگی سی مہنگی ہے یہی سستی سی سستی ہے
نہ صہبا ہے نہ ساغر ہے نہ مینا ہے نہ خم ساقی
مجھے جو مست کرتی ہے تری آنکھوں کی مستی ہے
ازل سے حق پرستی بت پرستی سنتے آتے ہیں
مگر یہ آپ کا مشرب نرالا خود پرستی ہے
جوانی نے دئے ہیں ان کو لا کر ہم نشیں کیا کیا
ادا میں ناز چتون میں حیا آنکھوں میں مستی ہے
مدار زندگی ٹھہرا نفس کی آمد و شد پر
ہوا کے زور سے روشن چراغ بزم ہستی ہے
تماشا ہے مری رندی کہ ساغر ہاتھ میں لے کر
ہر اک سے پوچھتا ہوں میں کہیں تھوڑی سی مستی ہے
فراق روح کیوں کر ہو گوارا جسم انساں کو
اجڑ کر پھر نہیں آباد ہوتی یہ وہ بستی ہے
وہ میکش ہوں کہ آتا ہے جو لب پر نام توبہ کا
تو مجھ پر جوش میں آ کر گھٹا کیا کیا برستی ہے
عجب شے جنس الفت ہے کہ دل جائے تو ہاتھ آئے
ہمیشہ ایک قیمت ہے نہ مہنگی ہے نہ سستی ہے
جبھی تک عکس قائم ہے کہ آئینہ مقابل ہو
ہماری یہ حقیقت ہے ہماری اتنی ہستی ہے
یقیں جانو کہ منہ دیکھی محبت ہم نہیں رکھتے
وہ آئینہ ہے جو وارفتۂ صورت پرستی ہے
بہت جھٹکے نہ دے دست جنوں جیب و گریباں کو
رہے تجھ کو لحاظ اس کا پرانا رخت ہستی ہے
دل عاشق میں حسرت بھی ہے ارماں بھی تمنا بھی
وہ جس بستی میں رہتے ہیں بڑی آباد بستی ہے
فنا اول بھی تھی آخر بھی ہونا ہے فنا ہم کو
کریں کیا دو عدم کے بیچ میں اک اپنی ہستی ہے
جلیلؔ استاد کا کہنا سنو باندھو کمر تم بھی
عجب بستی مدینہ ہے جہاں رحمت برستی ہے