ये कह गया बुत-ए-ना-आश्ना सुना के मुझे
कि आप में नहीं रहता है कोई पा के मुझे
नक़ाब कहती है मैं पर्दा-ए-क़यामत हूँ
अगर यक़ीन न हो देख लो उठा के मुझे
मिलूँगा ख़ाक में आँसू की तरह याद रहे
मिलो न आँख कहीं आँख से गिरा के मुझे
अदा से खींच रहा है कमाँ वो तीर-अंदाज़
क़ज़ा पुकार रही है ज़रा बचा के मुझे
तुम्हारे वास्ते इस दिल का मोल ही क्या है
अदा से देख लो इक दिन नज़र उठा के मुझे
तिरे हिसाब में तेरी क़बा का दामन हूँ
कि जब मिज़ाज में आया चला लुटा के मुझे
मैं डर रहा हूँ तुम्हारी नशीली आँखों से
कि लूट लें न किसी रोज़ कुछ पिला के मुझे
बुलंद नाम न होगा सितम-शिआरी से
तुम आसमान न हो जाओगे सता के मुझे
बुतों को ताकते गुज़री है शर्म आएगी
'जलील' ले न चलो सामने ख़ुदा के मुझे
ye kah gayā but-e-nā-āshnā sunā ke mujhe
ki aap meñ nahīñ rahtā hai koī pā ke mujhe
naqāb kahtī hai maiñ parda-e-qayāmat huuñ
agar yaqīn na ho dekh lo uThā ke mujhe
milūñgā ḳhaak meñ aañsū kī tarah yaad rahe
milo na aañkh kahīñ aañkh se girā ke mujhe
adā se khīñch rahā hai kamāñ vo tīr-andāz
qazā pukār rahī hai zarā bachā ke mujhe
tumhāre vāste is dil kā mol hī kyā hai
adā se dekh lo ik din nazar uThā ke mujhe
tire hisāb meñ terī qabā kā dāman huuñ
ki jab mizāj meñ aayā chalā luTā ke mujhe
maiñ Dar rahā huuñ tumhārī nashīlī āñkhoñ se
ki luuT leñ na kisī roz kuchh pilā ke mujhe
buland naam na hogā sitam-shi.ārī se
tum āsmān na ho jāoge satā ke mujhe
butoñ ko tākte guzrī hai sharm aa.egī
'jalīl' le na chalo sāmne ḳhudā ke mujhe
یہ کہہ گیا بت ناآشنا سنا کے مجھے
کہ آپ میں نہیں رہتا ہے کوئی پا کے مجھے
نقاب کہتی ہے میں پردۂ قیامت ہوں
اگر یقین نہ ہو دیکھ لو اٹھا کے مجھے
ملوں گا خاک میں آنسو کی طرح یاد رہے
ملو نہ آنکھ کہیں آنکھ سے گرا کے مجھے
ادا سے کھینچ رہا ہے کماں وہ تیر انداز
قضا پکار رہی ہے ذرا بچا کے مجھے
تمہارے واسطے اس دل کا مول ہی کیا ہے
ادا سے دیکھ لو اک دن نظر اٹھا کے مجھے
ترے حساب میں تیری قبا کا دامن ہوں
کہ جب مزاج میں آیا چلا لٹا کے مجھے
میں ڈر رہا ہوں تمہاری نشیلی آنکھوں سے
کہ لوٹ لیں نہ کسی روز کچھ پلا کے مجھے
بلند نام نہ ہوگا ستم شعاری سے
تم آسمان نہ ہو جاؤ گے ستا کے مجھے
بتوں کو تاکتے گزری ہے شرم آئے گی
جلیلؔ لے نہ چلو سامنے خدا کے مجھے