ये जो रह रह के सर-ए-दश्त हवा चलती है
कितनी अच्छी है मगर कितना बुरा चलती है
एक आसेब तआक़ुब में लगा रहता है
मैं जो रुकता हूँ तो फिर उस की सदा चलती है
हाए वो साँस कि रुकती है तो क्या रुकती है
हाए वो आँख कि चलती है तो क्या चलती है
पेश-ख़ेमा है किसी और नई वहशत का
ये जो इतरा के अभी बाद-ए-सबा चलती है
तीर चलते हैं लगातार सवाद-ए-जाँ में
और तलवार कोई एक जुदा चलती है
बीच दरिया के अजब जश्न बपा है यारो
साथ कश्ती के कोई मौज-ए-बला चलती है
आज कुछ और ही मंज़र है मिरे चारों तरफ़
ग़ैर-महसूस तरीक़े से हवा चलती है
मैं ब-ज़ाहिर तो हूँ आसूदा प मेरे अंदर
धीमे धीमे से कहीं आह-ओ-बुका चलती है
यूँ तो बेबाक बना फिरता है वो यारों में
उस की आँखों में अजब शर्म-ओ-हया चलती है
मेरे मौला जो रहे सिर्फ़ कहा तेरा रहे
मेरे होंटों पे यही एक दुआ चलती है
ye jo rah rah ke sar-e-dasht havā chaltī hai
kitnī achchhī hai magar kitnā burā chaltī hai
ek aaseb ta.āqub meñ lagā rahtā hai
maiñ jo ruktā huuñ to phir us kī sadā chaltī hai
haa.e vo saañs ki ruktī hai to kyā ruktī hai
haa.e vo aañkh ki chaltī hai to kyā chaltī hai
pesh-ḳhema hai kisī aur na.ī vahshat kā
ye jo itrā ke abhī bād-e-sabā chaltī hai
tiir chalte haiñ lagātār savād-e-jāñ meñ
aur talvār koī ek judā chaltī hai
biich dariyā ke ajab jashn bapā hai yaaro
saath kashtī ke koī mauj-e-balā chaltī hai
aaj kuchh aur hī manzar hai mire chāroñ taraf
ġhair-mahsūs tarīqe se havā chaltī hai
maiñ ba-zāhir to huuñ āsūda pa mere andar
dhīme dhīme se kahīñ āh-o-bukā chaltī hai
yuuñ to bebāk banā phirtā hai vo yāroñ meñ
us kī ā.ankhoñ meñ ajab sharm-o-hayā chaltī hai
mere maulā jo rahe sirf kahā terā rahe
mere hoñToñ pe yahī ek duā chaltī hai
یہ جو رہ رہ کے سر دشت ہوا چلتی ہے
کتنی اچھی ہے مگر کتنا برا چلتی ہے
ایک آسیب تعاقب میں لگا رہتا ہے
میں جو رکتا ہوں تو پھر اس کی صدا چلتی ہے
ہائے وہ سانس کہ رکتی ہے تو کیا رکتی ہے
ہائے وہ آنکھ کہ چلتی ہے تو کیا چلتی ہے
پیش خیمہ ہے کسی اور نئی وحشت کا
یہ جو اترا کے ابھی باد صبا چلتی ہے
تیر چلتے ہیں لگاتار سواد جاں میں
اور تلوار کوئی ایک جدا چلتی ہے
بیچ دریا کے عجب جشن بپا ہے یارو
ساتھ کشتی کے کوئی موج بلا چلتی ہے
آج کچھ اور ہی منظر ہے مرے چاروں طرف
غیر محسوس طریقے سے ہوا چلتی ہے
میں بظاہر تو ہوں آسودہ پہ میرے اندر
دھیمے دھیمے سے کہیں آہ و بکا چلتی ہے
یوں تو بے باک بنا پھرتا ہے وہ یاروں میں
اس کی آنکھوں میں عجب شرم و حیا چلتی ہے
میرے مولا جو رہے صرف کہا تیرا رہے
میرے ہونٹوں پہ یہی ایک دعا چلتی ہے