किसी गिर्दाब की फेंकी पड़ी है
लब-ए-साहिल जो इक कश्ती पड़ी है
हक़ीक़त में वही सीधी पड़ी है
मुझे इक चाल जो उल्टी पड़ी है
सफ़र उलझा दिए हैं उस ने सारे
मिरे पैरों में जो तेज़ी पड़ी है
वो हंगामा गुज़र जाता उधर से
मगर रस्ते में ख़ामोशी पड़ी है
मिरे कानों की ज़द पर हैं मनाज़िर
मिरी आँखों में सरगोशी पड़ी है
हुआ है क़त्ल बेदारी का जब से
ये बस्ती रात दिन सोई पड़ी है
ये मिस्रा मैं अधूरा छोड़ता हूँ
मिरे बस्ते में इक तख़्ती पड़ी है
पतंग कटने का बाइस और है कुछ
अगरचे डोर भी उलझी पड़ी है
ज़रा कोयल का पिंजरा खुल गया था
अभी तक ख़ौफ़ से सहमी पड़ी है
मुकम्मल एक दुनिया और भी है
जो इक दुनिया की अन-देखी पड़ी है
बड़ी बंजर थी ये खेती 'लियाक़त'
मगर कुछ रोज़ से सींची पड़ी है
kisī girdāb kī pheñkī paḌī hai
lab-e-sāhil jo ik kashtī paḌī hai
haqīqat meñ vahī sīdhī paḌī hai
mujhe ik chaal jo ulTī paḌī hai
safar uljhā diye haiñ us ne saare
mire pairoñ meñ jo tezī paḌī hai
vo hañgāma guzar jaatā udhar se
magar raste meñ ḳhāmoshī paḌī hai
mire kānoñ kī zad par haiñ manāzir
mirī āñkhoñ meñ sargoshī paḌī hai
huā hai qatl bedārī kā jab se
ye bastī raat din soī paḌī hai
ye misra maiñ adhūrā chhoḌtā huuñ
mire baste meñ ik taḳhtī paḌī hai
patañg kaTne kā baa.is aur hai kuchh
agarche Dor bhī uljhī paḌī hai
zarā koyal kā piñjra khul gayā thā
abhī tak ḳhauf se sahmī paḌī hai
mukammal ek duniyā aur bhī hai
jo ik duniyā kī an-dekhī paḌī hai
baḌī banjar thī ye khetī 'liyāqat'
magar kuchh roz se sīñchī paḌī hai
کسی گرداب کی پھینکی پڑی ہے
لب ساحل جو اک کشتی پڑی ہے
حقیقت میں وہی سیدھی پڑی ہے
مجھے اک چال جو الٹی پڑی ہے
سفر الجھا دئے ہیں اس نے سارے
مرے پیروں میں جو تیزی پڑی ہے
وہ ہنگامہ گزر جاتا ادھر سے
مگر رستے میں خاموشی پڑی ہے
مرے کانوں کی زد پر ہیں مناظر
مری آنکھوں میں سرگوشی پڑی ہے
ہوا ہے قتل بے داری کا جب سے
یہ بستی رات دن سوئی پڑی ہے
یہ مصرعہ میں ادھورا چھوڑتا ہوں
مرے بستے میں اک تختی پڑی ہے
پتنگ کٹنے کا باعث اور ہے کچھ
اگرچہ ڈور بھی الجھی پڑی ہے
ذرا کوئل کا پنجرہ کھل گیا تھا
ابھی تک خوف سے سہمی پڑی ہے
مکمل ایک دنیا اور بھی ہے
جو اک دنیا کی ان دیکھی پڑی ہے
بڑی بنجر تھی یہ کھیتی لیاقتؔ
مگر کچھ روز سے سینچی پڑی ہے