लफ़्ज़ को इल्हाम मअ'नी को शरर समझा था मैं
दर-हक़ीक़त ऐब था जिस को हुनर समझा था मैं
रौशनी थी आँख थी मंज़र था फिर कुछ भी न था
हाए किस आशोब को अपनी नज़र समझा था मैं
आसमानों को लपकते हैं ज़मीं-ज़ादे सभी
मुर्ग़-ए-आदम-ज़ाद को बे-बाल-ओ-पर समझा था मैं
''कुन'' का अफ़्सून-ए-अज़ल फूँका गया था जिस घड़ी
मुझ को अब भी याद है बार-ए-दिगर समझा था मैं
है कोई? जो मेरे इस लम्हे पे गिर्या कर सके
जब मुझे बिल्कुल समझ न थी मगर समझा था मैं
अपने बच्चों की तरह उस ने उड़ाया मुझ को साथ
जिस हवा-ए-तुंद-ख़ू को दर-ब-दर समझा था मैं
मुझ पे फ़र्सूदा अक़ाएद की अजब यलग़ार थी
छोटे छोटे वसवसों को ख़ैर-ओ-शर समझा था मैं
रेगज़ार-ए-शब-गज़ीदा तुझ में ता-हद्द-ए-नज़र
धूप का आसेब था जिस को शजर समझा था मैं
बे-सर-ओ-सामानियों की इंतिहा थी 'जाफ़री'
जब दर-ओ-दीवार को दीवार-ओ-दर समझा था मैं
बाब-ए-हैरत जब तलक खुलता लियाक़त-'जाफ़री'
क़ैस को फ़रहाद को आशुफ़्ता-सर समझा था मैं
lafz ko ilhām ma.anī ko sharar samjhā thā maiñ
dar-haqīqat aib thā jis ko hunar samjhā thā maiñ
raushnī thī aañkh thī manzar thā phir kuchh bhī na thā
haa.e kis āshob ko apnī nazar samjhā thā maiñ
āsmānoñ ko lapakte haiñ zamīñ-zāde sabhī
murġh-e-ādam-zād ko be-bāl-o-par samjhā thā maiñ
''kun'' kā afsūn-e-azal phūñkā gayā thā jis ghaḌī
mujh ko ab bhī yaad hai bār-e-digar samjhā thā maiñ
hai koii? jo mere is lamhe pe girya kar sake
jab mujhe bilkul samajh na thī magar samjhā thā maiñ
apne bachchoñ kī tarah us ne uḌāyā mujh ko saath
jis havā-e-tund-ḳhū ko dar-ba-dar samjhā thā maiñ
mujh pe farsūda aqā.ed kī ajab yalġhār thī
chhoTe chhoTe vasvasoñ ko ḳhair-o-shar samjhā thā maiñ
regzār-e-shab-gazīda tujh meñ tā-hadd-e-nazar
dhuup kā aaseb thā jis ko shajar samjhā thā maiñ
be-sar-o-sāmāniyoñ kī intihā thī 'ja.afarī'
jab dar-o-dīvār ko dīvār-o-dar samjhā thā maiñ
bāb-e-hairat jab talak khultā liyāqat-'ja.afarī'
qais ko farhād ko āshufta-sar samjhā thā maiñ
لفظ کو الہام معنی کو شرر سمجھا تھا میں
درحقیقت عیب تھا جس کو ہنر سمجھا تھا میں
روشنی تھی آنکھ تھی منظر تھا پھر کچھ بھی نہ تھا
ہائے کس آشوب کو اپنی نظر سمجھا تھا میں
آسمانوں کو لپکتے ہیں زمیں زادے سبھی
مرغ آدم زاد کو بے بال و پر سمجھا تھا میں
''کن'' کا افسون ازل پھونکا گیا تھا جس گھڑی
مجھ کو اب بھی یاد ہے بار دگر سمجھا تھا میں
ہے کوئی؟ جو میرے اس لمحے پہ گریہ کر سکے
جب مجھے بالکل سمجھ نہ تھی مگر سمجھا تھا میں
اپنے بچوں کی طرح اس نے اڑایا مجھ کو ساتھ
جس ہوائے تند خو کو در بہ در سمجھا تھا میں
مجھ پہ فرسودہ عقائد کی عجب یلغار تھی
چھوٹے چھوٹے وسوسوں کو خیر و شر سمجھا تھا میں
ریگزار شب گزیدہ تجھ میں تاحد نظر
دھوپ کا آسیب تھا جس کو شجر سمجھا تھا میں
بے سر و سامانیوں کی انتہا تھی جعفریؔ
جب در و دیوار کو دیوار و در سمجھا تھا میں
باب حیرت جب تلک کھلتا لیاقت جعفریؔ
قیس کو فرہاد کو آشفتہ سر سمجھا تھا میں