ये जो लिक्खा है मुझे ये जो मिटाया है मुझे
न सही और तमाशा तो बनाया है मुझे
कोई तीर-ओ-तबर अपना भी निकाला होता
मेरे ही अस्लहा से उस ने डराया है मुझे
जैसे ये सब हैं इसी तरह का हो जाऊँ अगर
बैठे बैठे ये ख़याल आज ही आया है मुझे
'ऐब रखता हूँ कि आख़िर ये हुनर है मेरा
धूप मेरी है यही और यही साया है मुझे
ताकि मैं कुछ न कहूँ वज़' की मजबूरी में
इस लिए मसनद-ए-ऐवाँ पे बिठाया है मुझे
सर-ए-तस्लीम हूँ जिस तौर झुकाया मुझ को
दस्त-ए-ताईद हूँ जिस रंग उठाया है मुझे
मैं हूँ वो ख़ूँ कि बहाया है मुझे सड़कों पर
मैं हूँ वो रंग कि चेहरों से उड़ाया है मुझे
फ़ड़फ़ड़ाता हूँ अभी ज़ोर-ए-हवा में रुख़ पर
न उठाया है अभी और न गिराया है मुझे
मैं कि इस 'अह्द में मुनकिर हूँ 'ज़फ़र' अपना भी
किस लिए महफ़िल-ए-ग़ालिब में बुलाया है मुझे
ye jo likkhā hai mujhe ye jo miTāyā hai mujhe
na sahī aur tamāshā to banāyā hai mujhe
koī tīr-o-tabar apnā bhī nikālā hotā
mere hī aslaha se us ne Darāyā hai mujhe
jaise ye sab haiñ isī tarh kā ho jā.ūñ agar
baiThe baiThe ye ḳhayāl aaj hī aayā hai mujhe
'aib rakhtā huuñ ki āḳhir ye hunar hai merā
dhuup merī hai yahī aur yahī saayā hai mujhe
taaki maiñ kuchh na kahūñ vaz' kī majbūrī meñ
is liye masnad-e-aivāñ pe biThāyā hai mujhe
sar-e-taslīm huuñ jis taur jhukāyā mujh ko
dast-e-tā.īd huuñ jis rang uThāyā hai mujhe
maiñ huuñ vo ḳhuuñ ki bahāyā hai mujhe saḌkoñ par
maiñ huuñ vo rang ki chehroñ se uḌāyā hai mujhe
phaḌphaḌātā huuñ abhī zor-e-havā meñ ruḳh par
na uThāyā hai abhī aur na girāyā hai mujhe
maiñ ki is 'ahd meñ munkir huuñ 'zafar' apnā bhī
kis liye mahfil-e-ġhālib meñ bulāyā hai mujhe
یہ جو لکھا ہے مجھے یہ جو مٹایا ہے مجھے
نہ سہی اور تماشا تو بنایا ہے مجھے
کوئی تیر و تبر اپنا بھی نکالا ہوتا
میرے ہی اسلحہ سے اس نے ڈرایا ہے مجھے
جیسے یہ سب ہیں اسی طرح کا ہو جاؤں اگر
بیٹھے بیٹھے یہ خیال آج ہی آیا ہے مجھے
عیب رکھتا ہوں کہ آخر یہ ہنر ہے میرا
دھوپ میری ہے یہی اور یہی سایا ہے مجھے
تاکہ میں کچھ نہ کہوں وضع کی مجبوری میں
اس لیے مسند ایواں پہ بٹھایا ہے مجھے
سر تسلیم ہوں جس طور جھکایا مجھ کو
دست تائید ہوں جس رنگ اٹھایا ہے مجھے
میں ہوں وہ خوں کہ بہایا ہے مجھے سڑکوں پر
میں ہوں وہ رنگ کہ چہروں سے اڑایا ہے مجھے
پھڑپھڑاتا ہوں ابھی زور ہوا میں رخ پر
نہ اٹھایا ہے ابھی اور نہ گرایا ہے مجھے
میں کہ اس عہد میں منکر ہوں ظفرؔ اپنا بھی
کس لیے محفل غالبؔ میں بلایا ہے مجھے