ये जो लगता है ज़रूरत से भी कम बोलते हैं
हम को वो शख़्स बुलाता है तो हम बोलते हैं
कौन हस्ती का गुज़र मेरे ख़राबे से हुआ
किस तफ़ाख़ुर से यहाँ नक़्श-ए-क़दम बोलते हैं
दोनों जानिब वो अना थी कि ये नौबत आई
अब हमें यार बुलाते हैं न हम बोलते हैं
ये जो हर बात पे कर देते हैं तक़रीर शुरूअ'
हम तो सुनते थे कभी उन के क़लम बोलते हैं
ऐसी बस्ती की ज़बाँ ख़ाक मैं समझूँगा जहाँ
लोग ख़ामोश हैं दीनार-ओ-दिरम बोलते हैं
ye jo lagtā hai zarūrat se bhī kam bolte haiñ
ham ko vo shaḳhs bulātā hai to ham bolte haiñ
kaun hastī kā guzar mere ḳharābe se huā
kis tafāḳhur se yahāñ naqsh-e-qadam bolte haiñ
donoñ jānib vo anā thī ki ye naubat aa.ī
ab hameñ yaar bulāte haiñ na ham bolte haiñ
ye jo har baat pe kar dete haiñ taqrīr shurūa
ham to sunte the kabhī un ke qalam bolte haiñ
aisī bastī kī zabāñ ḳhaak maiñ samjhūñgā jahāñ
log ḳhāmosh haiñ dīnār-o-diram bolte haiñ
یہ جو لگتا ہے ضرورت سے بھی کم بولتے ہیں
ہم کو وہ شخص بلاتا ہے تو ہم بولتے ہیں
کون ہستی کا گزر میرے خرابے سے ہوا
کس تفاخر سے یہاں نقش قدم بولتے ہیں
دونوں جانب وہ انا تھی کہ یہ نوبت آئی
اب ہمیں یار بلاتے ہیں نہ ہم بولتے ہیں
یہ جو ہر بات پہ کر دیتے ہیں تقریر شروع
ہم تو سنتے تھے کبھی ان کے قلم بولتے ہیں
ایسی بستی کی زباں خاک میں سمجھوں گا جہاں
لوگ خاموش ہیں دینار و درم بولتے ہیں