ये हादसा भी शहर-ए-निगाराँ में हो गया
बे-चेहरगी की भीड़ में हर चेहरा खो गया
जिस को सज़ा मिली थी कि जागे तमाम उम्र
सुनता हूँ आज मौत की बाँहों में सो गया
हरकत किसी में है न हरारत किसी में है
क्या शहर था जो बर्फ़ की चट्टान हो गया
मैं उस को नफ़रतों के सिवा कुछ न दे सका
वो चाहतों का बीज मिरे दिल में बो गया
मरहम तो रख सका न कोई मेरे ज़ख़्म पर
जो आया एक निश्तर-ए-ताज़ा चुभो गया
या कीजिए क़ुबूल कि हर चेहरा ज़र्द है
या कहिए हर निगाह को यरक़ान हो गया
मैं ने तो अपने ग़म की कहानी सुनाई थी
क्यूँ अपने अपने ग़म में हर इक शख़्स खो गया
उस दुश्मन-ए-वफ़ा को दुआ दे रहा हूँ मैं
मेरा न हो सका वो किसी का तो हो गया
इक माह-वश ने चूम ली पेशानी-ए-'हफ़ीज़'
दिलचस्प हादसा था जो कल रात हो गया
ye hādsa bhī shahr-e-nigārāñ meñ ho gayā
be-chehragī kī bhiiḌ meñ har chehra kho gayā
jis ko sazā milī thī ki jaage tamām umr
suntā huuñ aaj maut kī bāñhoñ meñ so gayā
harkat kisī meñ hai na harārat kisī meñ hai
kyā shahr thā jo barf kī chaTTān ho gayā
maiñ us ko nafratoñ ke sivā kuchh na de sakā
vo chāhatoñ kā biij mire dil meñ bo gayā
marham to rakh sakā na koī mere zaḳhm par
jo aayā ek nishtar-e-tāza chubho gayā
yā kījiye qubūl ki har chehra zard hai
yā kahiye har nigāh ko yarqān ho gayā
maiñ ne to apne ġham kī kahānī sunā.ī thī
kyuuñ apne apne ġham meñ har ik shaḳhs kho gayā
us dushman-e-vafā ko duā de rahā huuñ maiñ
merā na ho sakā vo kisī kā to ho gayā
ik māh-vash ne chuum lī peshāni-e-'hafīz'
dilchasp hādsa thā jo kal raat ho gayā
یہ حادثہ بھی شہر نگاراں میں ہو گیا
بے چہرگی کی بھیڑ میں ہر چہرہ کھو گیا
جس کو سزا ملی تھی کہ جاگے تمام عمر
سنتا ہوں آج موت کی بانہوں میں سو گیا
حرکت کسی میں ہے نہ حرارت کسی میں ہے
کیا شہر تھا جو برف کی چٹان ہو گیا
میں اس کو نفرتوں کے سوا کچھ نہ دے سکا
وہ چاہتوں کا بیج مرے دل میں بو گیا
مرہم تو رکھ سکا نہ کوئی میرے زخم پر
جو آیا ایک نشتر تازہ چبھو گیا
یا کیجئے قبول کہ ہر چہرہ زرد ہے
یا کہئے ہر نگاہ کو یرقان ہو گیا
میں نے تو اپنے غم کی کہانی سنائی تھی
کیوں اپنے اپنے غم میں ہر اک شخص کھو گیا
اس دشمن وفا کو دعا دے رہا ہوں میں
میرا نہ ہو سکا وہ کسی کا تو ہو گیا
اک ماہ وش نے چوم لی پیشانی حفیظؔ
دلچسپ حادثہ تھا جو کل رات ہو گیا