आ जाओ कि मिल कर हम जीने की बिना डालें
ये बार-ए-हयात ऐ दोस्त उठने का नहीं तन्हा
दुनिया पे मुसल्लत है औहाम की तारीकी
हम हैं कि जलाए हैं इक शम-ए-यक़ीं तन्हा
मुहताज-ए-तवज्जोह हैं कुछ और मसाइल भी
क्यूँ ज़ेहन में फिरती है इक नान-ए-जवीं तन्हा
हर मुर्ग़-ए-ख़ुश-अलहाँ अब पर्वाज़ पे माइल है
गुलशन में न रह जाए सय्याद कहीं तन्हा
सज्दे दर-ए-जानाँ पर लाखों ने किए लेकिन
मे'आर-ए-वफ़ा ठहरी मेरी ही जबीं तन्हा
इक हुस्न-ए-तसव्वुर है जो ज़ीस्त का साथी है
वो कोई भी मंज़िल हो हम लोग नहीं तन्हा
नज़दीक 'हफ़ीज़' इस के रिंद आएँ तो क्या आएँ
जागीर है ज़ाहिद की सरमाया-ए-दीं तन्हा
aa jaao ki mil kar ham jiine kī binā Dāleñ
ye bār-e-hayāt ai dost uThne kā nahīñ tanhā
duniyā pe musallat hai auhām kī tārīkī
ham haiñ ki jalā.e haiñ ik sham-e-yaqīñ tanhā
muhtāj-e-tavajjoh haiñ kuchh aur masā.il bhī
kyuuñ zehn meñ phirtī hai ik nān-e-javīñ tanhā
har murġh-e-ḳhush-alhāñ ab parvāz pe maa.il hai
gulshan meñ na rah jaa.e sayyād kahīñ tanhā
sajde dar-e-jānāñ par lākhoñ ne kiye lekin
me.ār-e-vafā Thahrī merī hī jabīñ tanhā
ik husn-e-tasavvur hai jo ziist kā sāthī hai
vo koī bhī manzil ho ham log nahīñ tanhā
nazdīk 'hafīz' is ke riñd aa.eñ to kyā aa.eñ
jāgīr hai zāhid kī sarmāya-e-deñ tanhā
آ جاؤ کہ مل کر ہم جینے کی بنا ڈالیں
یہ بار حیات اے دوست اٹھنے کا نہیں تنہا
دنیا پہ مسلط ہے اوہام کی تاریکی
ہم ہیں کہ جلائے ہیں اک شمع یقیں تنہا
محتاج توجہ ہیں کچھ اور مسائل بھی
کیوں ذہن میں پھرتی ہے اک نان جویں تنہا
ہر مرغ خوش الحاں اب پرواز پہ مائل ہے
گلشن میں نہ رہ جائے صیاد کہیں تنہا
سجدے در جاناں پر لاکھوں نے کیے لیکن
معیار وفا ٹھہری میری ہی جبیں تنہا
اک حسن تصور ہے جو زیست کا ساتھی ہے
وہ کوئی بھی منزل ہو ہم لوگ نہیں تنہا
نزدیک حفیظؔ اس کے رند آئیں تو کیا آئیں
جاگیر ہے زاہد کی سرمایۂ دیں تنہا