ये दिल जो पैकर-ए-सद-नूर था अब तीरगी में बेश-ओ-कम मिलता है मुझ को
यही वो डूबता बुझता सितारा है जो अपना हम-क़दम मिलता है मुझ को
कोई लम्हा नहीं आता तरब-ज़ार-एॉतमन्ना में लहकता गुनगुनाता
जिसे आवाज़ देता हूँ वो औरों की तरह माइल-ब-रम मिलता है मुझ को
यूँही घुट घुट के जीने पर मुझे उकसा रहे हैं देखिए हालात मेरे
मैं जितना ग़म से बचना चाहता था दोस्तो उतना ही ग़म मिलता है मुझ को
मुसलसल एक महरूमी का बादल है जो कितने ही घरों पर छा गया है
अब उन आँखों की क़िल्लत हो गई है जिन में सैराबी का नम मिलता है मुझ को
हज़ारों फूल से पैकर म’आशी धूप में कुम्हला गए हैं देख लीजे
मैं जिस दुनिया में रहता हूँ वहाँ हर शख़्स आतिश-दर-शिकम मिलता है मुझ को
किसी का ख़ुश-तमाज़त लम्स शब ढलते ही लगता है अधूरे ख़्वाब जैसा
'अजब इक सर्द सा मौसम है जो अपने लहू में सुब्ह-दम मिलता है मुझ को
ये लगता है किसी ग़फ़लत-ज़दा लम्हे में मुझ को मार डालेंगे हवादिस
मैं जिन रस्तों में हूँ 'यावर' वहाँ अक्सर हलाकत-ख़ेज़ ख़म मिलता है मुझ को
ye dil jo paikar-e-sad-nūr thā ab tīrgī meñ besh-o-kam miltā hai mujh ko
yahī vo Dūbtā bujhtā sitāra hai jo apnā ham-qadam miltā hai mujh ko
koī lamha nahīñ aatā tarab-zār-e-tamanna meñ lahaktā gungunātā
jise āvāz detā huuñ vo auroñ kī tarah mā.il-ba-ram miltā hai mujh ko
yūñhī ghuT ghuT ke jiine par mujhe uksā rahe haiñ dekhiye hālāt mere
maiñ jitnā ġham se bachnā chāhtā thā dosto utnā hī ġham miltā hai mujh ko
musalsal ek mahrūmī kā bādal hai jo kitne hī gharoñ par chhā gayā hai
ab un āñkhoñ kī qillat ho ga.ī hai jin meñ sairābī kā nam miltā hai mujh ko
hazāroñ phuul se paikar ma’āshī dhuup meñ kumhlā ga.e haiñ dekh liije
maiñ jis duniyā meñ rahtā huuñ vahāñ har shaḳhs ātish-dar-shikam miltā hai mujh ko
kisī kā ḳhush-tamāzat lams shab Dhalte hī lagtā hai adhūre ḳhvāb jaisā
'ajab ik sard sā mausam hai jo apne lahū meñ sub.h-dam miltā hai mujh ko
ye lagtā hai kisī ġhaflat-zada lamhe meñ mujh ko maar Dāleñge havādis
maiñ jin rastoñ meñ huuñ 'yāvar' vahāñ aksar halākat-ḳhez ḳham miltā hai mujh ko
یہ دل جو پیکر صد نور تھا اب تیرگی میں بیش و کم ملتا ہے مجھ کو
یہی وہ ڈوبتا بجھتا ستارہ ہے جو اپنا ہم قدم ملتا ہے مجھ کو
کوئی لمحہ نہیں آتا طرب زار تمنا میں لہکتا گنگناتا
جسے آواز دیتا ہوں وہ اوروں کی طرح مائل بہ رم ملتا ہے مجھ کو
یوںہی گھٹ گھٹ کے جینے پر مجھے اکسا رہے ہیں دیکھیے حالات میرے
میں جتنا غم سے بچنا چاہتا تھا دوستو اتنا ہی غم ملتا ہے مجھ کو
مسلسل ایک محرومی کا بادل ہے جو کتنے ہی گھروں پر چھا گیا ہے
اب ان آنکھوں کی قلت ہو گئی ہے جن میں سیرابی کا نم ملتا ہے مجھ کو
ہزاروں پھول سے پیکر معاشی دھوپ میں کمھلا گئے ہیں دیکھ لیجے
میں جس دنیا میں رہتا ہوں وہاں ہر شخص آتش در شکم ملتا ہے مجھ کو
کسی کا خوش تمازت لمس شب ڈھلتے ہی لگتا ہے ادھورے خواب جیسا
عجب اک سرد سا موسم ہے جو اپنے لہو میں صبح دم ملتا ہے مجھ کو
یہ لگتا ہے کسی غفلت زدہ لمحے میں مجھ کو مار ڈالیں گے حوادث
میں جن رستوں میں ہوں یاورؔ وہاں اکثر ہلاکت خیز خم ملتا ہے مجھ کو