चाँदनी जिस तरह गुनगुनाने लगे ऐसी चंचल अदा तेरे लहजे में है
और लहजे भी मैं ने सुने हैं मगर बात सब से जुदा तेरे लहजे में है
दिल खिला है तो कोई त'अज्जुब नहीं तेरे होंटों पे जब मेरा नाम आ गया
मेरे एहसास को कितना महका गई ये जो बू-ए-वफ़ा तेरे लहजे में है
मैं तिरे शहसवारों की सफ़ में खड़ा जान पर खेल जाने को तय्यार हूँ
शाह-ज़ादी है तू मुझ को फ़रमान दे आज क्यों इल्तिजा तेरे लहजे में है
ये शराब-ए-सुख़न इस से पहले कभी तेरे फ़न की सुराही से छलकी नहीं
तेरी मख़मूर सतरें बताने लगीं 'इश्क़ जागा हुआ तेरे लहजे में है
तेरा लहजा सुकूँ तेरा लहजा शिफ़ा तेरा लहजा अंधेरे में जलता दिया
तुझ को जब जब सुना है तो ऐसा लगा मेरे दुख की दवा तेरे लहजे में है
तेरे लफ़्ज़ों की बरसात यूँही मुझे ज़र्द मौसम में शादाब करती रहे
मेरी बंजर समा'अत की ख़ातिर कोई भीगी भीगी फ़ज़ा तेरे लहजे में है
ये तिरे क़ुर्ब की आख़िरी शाम है ये तिरे प्यार का आख़िरी जाम है
ये चमकती दमकती सी कोई कसक आख़िरी मर्तबा तेरे लहजे में है
chāñdnī jis tarah gungunāne lage aisī chanchal adā tere lahje meñ hai
aur lahje bhī maiñ ne sune haiñ magar baat sab se judā tere lahje meñ hai
dil khilā hai to koī ta'ajjub nahīñ tere hoñToñ pe jab merā naam aa gayā
mere ehsās ko kitnā mahkā ga.ī ye jo bū-e-vafā tere lahje meñ hai
maiñ tire shahsavāroñ kī saf meñ khaḌā jaan par khel jaane ko tayyār huuñ
shāh-zādī hai tū mujh ko farmān de aaj kyoñ iltijā tere lahje meñ hai
ye sharāb-e-suḳhan is se pahle kabhī tere fan kī surāhī se chhalkī nahīñ
terī maḳhmūr satreñ batāne lagīñ 'ishq jaagā huā tere lahje meñ hai
terā lahja sukūñ terā lahja shifā terā lahja añdhere meñ jaltā diyā
tujh ko jab jab sunā hai to aisā lagā mere dukh kī davā tere lahje meñ hai
tere lafzoñ kī barsāt yūñhī mujhe zard mausam meñ shādāb kartī rahe
merī banjar samā'at kī ḳhātir koī bhīgī bhīgī fazā tere lahje meñ hai
ye tire qurb kī āḳhirī shaam hai ye tire pyaar kā āḳhirī jaam hai
ye chamaktī damaktī sī koī kasak āḳhirī martaba tere lahje meñ hai
چاندنی جس طرح گنگنانے لگے ایسی چنچل ادا تیرے لہجے میں ہے
اور لہجے بھی میں نے سنے ہیں مگر بات سب سے جدا تیرے لہجے میں ہے
دل کھلا ہے تو کوئی تعجب نہیں تیرے ہونٹوں پہ جب میرا نام آ گیا
میرے احساس کو کتنا مہکا گئی یہ جو بوئے وفا تیرے لہجے میں ہے
میں ترے شہسواروں کی صف میں کھڑا جان پر کھیل جانے کو تیار ہوں
شاہ زادی ہے تو مجھ کو فرمان دے آج کیوں التجا تیرے لہجے میں ہے
یہ شراب سخن اس سے پہلے کبھی تیرے فن کی صراحی سے چھلکی نہیں
تیری مخمور سطریں بتانے لگیں عشق جاگا ہوا تیرے لہجے میں ہے
تیرا لہجہ سکوں تیرا لہجہ شفا تیرا لہجہ اندھیرے میں جلتا دیا
تجھ کو جب جب سنا ہے تو ایسا لگا میرے دکھ کی دوا تیرے لہجے میں ہے
تیرے لفظوں کی برسات یوںہی مجھے زرد موسم میں شاداب کرتی رہے
میری بنجر سماعت کی خاطر کوئی بھیگی بھیگی فضا تیرے لہجے میں ہے
یہ ترے قرب کی آخری شام ہے یہ ترے پیار کا آخری جام ہے
یہ چمکتی دمکتی سی کوئی کسک آخری مرتبہ تیرے لہجے میں ہے