ये चीख़ें ये आह-ओ-बुका किस लिए है
मिरे शहर की ये फ़ज़ा किस लिए है
बता ज़िंदा-दरगोर है आदमी क्यों
बता आसमाँ पर ख़ुदा किस लिए है
हैं मसले हुए शाख़ दर शाख़ गुल क्यों
चमन दर चमन सानेहा किस लिए है
अकेला दिया रहगुज़र का बुझा कर
पशेमाँ बहुत अब हवा किस लिए है
जो तुम सामने आए तो मैं ने जाना
कि मंज़र ने बदली क़बा किस लिए है
न तज़ईन-ए-गुल है न पैग़ाम-ए-ख़ुशबू
गुलिस्ताँ में चलती सबा किस लिए है
मुझे ज़िंदगी में दिया था जहन्नुम
तो अब रोज़-ए-महशर सज़ा किस लिए है
ये तय है यहाँ कोई दर कब खुलेगा
ऐ दरवेश देता दुआ किस लिए है
मिरे चारागर तू ने वा'दा किया था
तो फिर दिल का घाव भरा किस लिए है
ब-नाम-ए-सज़ा जब मिला है ये जीवन
तो जीने में इतना मज़ा किस लिए है
किसी की भी जब मुंतज़िर मैं नहीं हूँ
तो दर मेरा आख़िर खुला किस लिए है
दुआओं में मेरी असर आ गया क्या
वो यूँ जाते जाते रुका किस लिए है
'तबस्सुम' हो कैसे ये उक़्दा-कुशाई
बक़ा किस की ख़ातिर फ़ना किस लिए है
ye chīḳheñ ye āh-o-bukā kis liye hai
mire shahr kī ye fazā kis liye hai
batā zinda-dargor hai aadmī kyoñ
batā āsmāñ par ḳhudā kis liye hai
haiñ masle hue shāḳh dar shāḳh gul kyoñ
chaman dar chaman sāneha kis liye hai
akelā diyā rahguzar kā bujhā kar
pashemāñ bahut ab havā kis liye hai
jo tum sāmne aa.e to maiñ ne jaanā
ki manzar ne badlī qabā kis liye hai
na taz.īn-e-gul hai na paiġhām-e-ḳhushbū
gulistāñ meñ chaltī sabā kis liye hai
mujhe zindagī meñ diyā thā jahannum
to ab roz-e-mahshar sazā kis liye hai
ye tai hai yahāñ koī dar kab khulegā
ai darvesh detā duā kis liye hai
mire chārāgar tū ne va.ada kiyā thā
to phir dil kā ghaav bharā kis liye hai
ba-nām-e-sazā jab milā hai ye jīvan
to jiine meñ itnā mazā kis liye hai
kisī kī bhī jab muntazir maiñ nahīñ huuñ
to dar merā āḳhir khulā kis liye hai
duāoñ meñ merī asar aa gayā kyā
vo yuuñ jaate jaate rukā kis liye hai
'tabassum' ho kaise ye uqda-kushā.ī
baqā kis kī ḳhātir fanā kis liye hai
یہ چیخیں یہ آہ و بکا کس لیے ہے
مرے شہر کی یہ فضا کس لیے ہے
بتا زندہ درگور ہے آدمی کیوں
بتا آسماں پر خدا کس لیے ہے
ہیں مسلے ہوئے شاخ در شاخ گل کیوں
چمن در چمن سانحہ کس لیے ہے
اکیلا دیا رہ گزر کا بجھا کر
پشیماں بہت اب ہوا کس لیے ہے
جو تم سامنے آئے تو میں نے جانا
کہ منظر نے بدلی قبا کس لیے ہے
نہ تزئین گل ہے نہ پیغام خوشبو
گلستاں میں چلتی صبا کس لیے ہے
مجھے زندگی میں دیا تھا جہنم
تو اب روز محشر سزا کس لیے ہے
یہ طے ہے یہاں کوئی در کب کھلے گا
اے درویش دیتا دعا کس لیے ہے
مرے چارہ گر تو نے وعدہ کیا تھا
تو پھر دل کا گھاؤ بھرا کس لیے ہے
بہ نام سزا جب ملا ہے یہ جیون
تو جینے میں اتنا مزا کس لیے ہے
کسی کی بھی جب منتظر میں نہیں ہوں
تو در میرا آخر کھلا کس لیے ہے
دعاؤں میں میری اثر آ گیا کیا
وہ یوں جاتے جاتے رکا کس لیے ہے
تبسمؔ ہو کیسے یہ عقدہ کشائی
بقا کس کی خاطر فنا کس لیے ہے