आँखों में ले के यास मुझे देखने तो दे
कौन आ रहा है पास मुझे देखने तो दे
देखेगा कौन ख़ाक में जौहर छुपे हुए
ऐ शहर-ए-ना-शनास मुझे देखने तो दे
ये कौन महव-ए-रक़्स है यूँ आबलों के साथ
दश्त आया किस को रास मुझे देखने तो दे
लब खोलता नहीं न सही आँख तो मिला
तू ख़ुश है या उदास मुझे देखने तो दे
लाशों में एक लाश से उठने लगी है क्यों
फूलों के जैसी बास मुझे देखने तो दे
मैं डूब तो रही हूँ मगर जानिब-ए-कनार
जब तक बंधी है आस मुझे देखने तो दे
क्या है ख़ुमार-ए-हुस्न से बढ़ कर कोई नशा
ये मय है ये गिलास मुझे देखने तो दे
फिर कौन रो रहा है किनारे फ़ुरात के
होंटों पे ले के प्यास मुझे देखने तो दे
यूँ तो जहाँ-शनास 'तबस्सुम' हर एक है
है कोई ख़ुद-शनास मुझे देखने तो दे
āñkhoñ meñ le ke yaas mujhe dekhne to de
kaun aa rahā hai paas mujhe dekhne to de
dekhegā kaun ḳhaak meñ jauhar chhupe hue
ai shahr-e-nā-shanās mujhe dekhne to de
ye kaun mahv-e-raqs hai yuuñ ābloñ ke saath
dasht aayā kis ko raas mujhe dekhne to de
lab kholtā nahīñ na sahī aañkh to milā
tū ḳhush hai yā udaas mujhe dekhne to de
lāshoñ meñ ek laash se uThne lagī hai kyoñ
phūloñ ke jaisī baas mujhe dekhne to de
maiñ Duub to rahī huuñ magar jānib-e-kanār
jab tak bañdhī hai aas mujhe dekhne to de
kyā hai ḳhumār-e-husn se baḌh kar koī nasha
ye mai hai ye gilās mujhe dekhne to de
phir kaun ro rahā hai kināre furāt ke
hoñToñ pe le ke pyaas mujhe dekhne to de
yuuñ to jahāñ-shanās 'tabassum' har ek hai
hai koī ḳhud-shanās mujhe dekhne to de
آنکھوں میں لے کے یاس مجھے دیکھنے تو دے
کون آ رہا ہے پاس مجھے دیکھنے تو دے
دیکھے گا کون خاک میں جوہر چھپے ہوئے
اے شہر نا شناس مجھے دیکھنے تو دے
یہ کون محو رقص ہے یوں آبلوں کے ساتھ
دشت آیا کس کو راس مجھے دیکھنے تو دے
لب کھولتا نہیں نہ سہی آنکھ تو ملا
تو خوش ہے یا اداس مجھے دیکھنے تو دے
لاشوں میں ایک لاش سے اٹھنے لگی ہے کیوں
پھولوں کے جیسی باس مجھے دیکھنے تو دے
میں ڈوب تو رہی ہوں مگر جانب کنار
جب تک بندھی ہے آس مجھے دیکھنے تو دے
کیا ہے خمار حسن سے بڑھ کر کوئی نشہ
یہ مے ہے یہ گلاس مجھے دیکھنے تو دے
پھر کون رو رہا ہے کنارے فرات کے
ہونٹوں پہ لے کے پیاس مجھے دیکھنے تو دے
یوں تو جہاں شناس تبسمؔ ہر ایک ہے
ہے کوئی خود شناس مجھے دیکھنے تو دے