टूटे आईने को क्या घर में सजाना अच्छा
रूह के घाव को दुनिया से छुपाना अच्छा
उन से कह दो कि हमें अब न सताना अच्छा
जो तअ'ल्लुक़ सज़ा बन जाए मिटाना अच्छा
फ़ैसला दिल से करो साथ जो चलना है मिरे
सर को इक़रार में बस तुम न हिलाना अच्छा
दीजिए उम्र-दराज़ी की दुआएँ न मुझे
ख़ार से दामन-ए-दिल जल्दी छुड़ाना अच्छा
ख़ाक-ए-उल्फ़त को लिए सर पे क्यों गुलशन में रहूँ
दिल में वहशत हो तो सहरा में ही जाना अच्छा
रिश्ता-ए-ख़्वाब से कब ख़ुद को जुदा कर पाई
शब गुज़रने का यही इक है बहाना अच्छा
तेग़ गर्दन पे थी यूँ शाह की तारीफ़ करी
कितना मुश्किल था बुराई को बताना अच्छा
दिल-ए-बीमार को फिर इज़्न-ए-सफ़र क्या देती
एक मा'ज़ूर को अब कितना भगाना अच्छा
जब तलक पढ़ने के क़ाबिल रहा वो ख़त रक्खा
जिस की तहरीर मिटे उस को जलाना अच्छा
वो 'तबस्सुम' को भुला बैठा तुम्हें कैसे ख़बर
मुझ को अफ़्वाह में भी सच ही सुनाना अच्छा
तन-ए-मज़रूब लिए बज़्म में मुस्काती रही
घर की इज़्ज़त के लिए सब था दिखाना अच्छा
TuuTe ā.īne ko kyā ghar meñ sajānā achchhā
ruuh ke ghaav ko duniyā se chhupānā achchhā
un se kah do ki hameñ ab na satānā achchhā
jo ta.alluq sazā ban jaa.e miTānā achchhā
faisla dil se karo saath jo chalnā hai mire
sar ko iqrār meñ bas tum na hilānā achchhā
dījiye umr-darāzī kī duā.eñ na mujhe
ḳhaar se dāman-e-dil jaldī chhuḌānā achchhā
ḳhāk-e-ulfat ko liye sar pe kyoñ gulshan meñ rahūñ
dil meñ vahshat ho to sahrā meñ hī jaanā achchhā
rishta-e-ḳhvāb se kab ḳhud ko judā kar paa.ī
shab guzarne kā yahī ik hai bahānā achchhā
teġh gardan pe thī yuuñ shaah kī tārīf karī
kitnā mushkil thā burā.ī ko batānā achchhā
dil-e-bīmār ko phir izn-e-safar kyā detī
ek ma.azūr ko ab kitnā bhagāna achchhā
jab talak paḌhne ke qābil rahā vo ḳhat rakkhā
jis kī tahrīr miTe us ko jalānā achchhā
vo 'tabassum' ko bhulā baiThā tumheñ kaise ḳhabar
mujh ko afvāh meñ bhī sach hī sunānā achchhā
tan-e-mazrūb liye bazm meñ muskātī rahī
ghar kī izzat ke liye sab thā dikhānā achchhā
ٹوٹے آئینے کو کیا گھر میں سجانا اچھا
روح کے گھاؤ کو دنیا سے چھپانا اچھا
ان سے کہہ دو کہ ہمیں اب نہ ستانا اچھا
جو تعلق سزا بن جائے مٹانا اچھا
فیصلہ دل سے کرو ساتھ جو چلنا ہے مرے
سر کو اقرار میں بس تم نہ ہلانا اچھا
دیجئے عمر درازی کی دعائیں نہ مجھے
خار سے دامن دل جلدی چھڑانا اچھا
خاک الفت کو لیے سر پہ کیوں گلشن میں رہوں
دل میں وحشت ہو تو صحرا میں ہی جانا اچھا
رشتۂ خواب سے کب خود کو جدا کر پائی
شب گزرنے کا یہی اک ہے بہانا اچھا
تیغ گردن پہ تھی یوں شاہ کی تعریف کری
کتنا مشکل تھا برائی کو بتانا اچھا
دل بیمار کو پھر اذن سفر کیا دیتی
ایک معذور کو اب کتنا بھگانا اچھا
جب تلک پڑھنے کے قابل رہا وہ خط رکھا
جس کی تحریر مٹے اس کو جلانا اچھا
وہ تبسمؔ کو بھلا بیٹھا تمہیں کیسے خبر
مجھ کو افواہ میں بھی سچ ہی سنانا اچھا
تن مضروب لیے بزم میں مسکاتی رہی
گھر کی عزت کے لیے سب تھا دکھانا اچھا