ये भी मुमकिन है कि आँखें हों तमाशा ही न हो
रास आने लगे हम को तो ये दुनिया ही न हो
कहीं निकले कोई अंदाज़ा हमारा भी ग़लत
जानते हैं उसे जैसा कहीं वैसा ही न हो
हो किसी तरहा से मख़्सूस हमारे ही लिए
यानी जितना नज़र आता है वो उतना ही न हो
टकटकी बाँध के मैं देख रहा हूँ जिस को
ये भी हो सकता है वो सामने बैठा ही न हो
वो कोई और हो जो साथ किसी और के है
अस्ल में तो वो अभी लौट के आया ही न हो
ख़्वाब-दर-ख़्वाब चला करता है आँखों में जो शख़्स
ढूँडने निकलें उसे और कहीं रहता ही न हो
चमक उट्ठा हो अभी रू-ए-बयाबाँ इक दम
और ये नज़्ज़ारा किसी और ने देखा ही न हो
कैफ़ियत ही कोई पानी ने बदल ली हो कहीं
हम जिसे दश्त समझते हैं वो दरिया ही न हो
मसअला इतना भी आसान नहीं है कि 'ज़फ़र'
अपने नज़दीक जो सीधा है वो उल्टा ही न हो
ye bhī mumkin hai ki āñkheñ hoñ tamāshā hī na ho
raas aane lage ham ko to ye duniyā hī na ho
kahīñ nikle koī andāza hamārā bhī ġhalat
jānte haiñ use jaisā kahīñ vaisā hī na ho
ho kisī tarha se maḳhsūs hamāre hī liye
yaanī jitnā nazar aatā hai vo utnā hī na ho
TakTakī bāñdh ke maiñ dekh rahā huuñ jis ko
ye bhī ho saktā hai vo sāmne baiThā hī na ho
vo koī aur ho jo saath kisī aur ke hai
asl meñ to vo abhī lauT ke aayā hī na ho
ḳhvāb-dar-ḳhvāb chalā kartā hai āñkhoñ meñ jo shaḳhs
DhūñDne nikleñ use aur kahīñ rahtā hī na ho
chamak uTThā ho abhī rū-e-bayābāñ ik dam
aur ye nazzāra kisī aur ne dekhā hī na ho
kaifiyat hī koī paanī ne badal lī ho kahīñ
ham jise dasht samajhte haiñ vo dariyā hī na ho
mas.ala itnā bhī āsān nahīñ hai ki 'zafar'
apne nazdīk jo sīdhā hai vo ulTā hī na ho
یہ بھی ممکن ہے کہ آنکھیں ہوں تماشا ہی نہ ہو
راس آنے لگے ہم کو تو یہ دنیا ہی نہ ہو
کہیں نکلے کوئی اندازہ ہمارا بھی غلط
جانتے ہیں اسے جیسا کہیں ویسا ہی نہ ہو
ہو کسی طرح سے مخصوص ہمارے ہی لیے
یعنی جتنا نظر آتا ہے وہ اتنا ہی نہ ہو
ٹکٹکی باندھ کے میں دیکھ رہا ہوں جس کو
یہ بھی ہو سکتا ہے وہ سامنے بیٹھا ہی نہ ہو
وہ کوئی اور ہو جو ساتھ کسی اور کے ہے
اصل میں تو وہ ابھی لوٹ کے آیا ہی نہ ہو
خواب در خواب چلا کرتا ہے آنکھوں میں جو شخص
ڈھونڈنے نکلیں اسے اور کہیں رہتا ہی نہ ہو
چمک اٹھا ہو ابھی روئے بیاباں اک دم
اور یہ نظارہ کسی اور نے دیکھا ہی نہ ہو
کیفیت ہی کوئی پانی نے بدل لی ہو کہیں
ہم جسے دشت سمجھتے ہیں وہ دریا ہی نہ ہو
مسئلہ اتنا بھی آسان نہیں ہے کہ ظفرؔ
اپنے نزدیک جو سیدھا ہے وہ الٹا ہی نہ ہو