ये बात बात में क्या नाज़ुकी निकलती है
दबी दबी तिरे लब से हँसी निकलती है
ठहर ठहर के जला दिल को एक बार न फूँक
कि इस में बू-ए-मोहब्बत अभी निकलती है
बजाए शिकवा भी देता हूँ मैं दुआ उस को
मिरी ज़बाँ से करूँ क्या यही निकलती है
ख़ुशी में हम ने ये शोख़ी कभी नहीं देखी
दम-ए-इताब जो रंगत तिरी निकलती है
हज़ार बार जो माँगा करो तो क्या हासिल
दुआ वही है जो दिल से कभी निकलती है
अदा से तेरी मगर खिंच रहीं हैं तलवारें
निगह निगह से छुरी पर छुरी निकलती है
मुहीत-ए-इश्क़ में है क्या उमीद ओ बीम मुझे
कि डूब डूब के कश्ती मिरी निकलती है
झलक रही है सर-ए-शाख़-ए-मिज़ा ख़ून की बूँद
शजर में पहले समर से कली निकलती है
शब-ए-फ़िराक़ जो खोले हैं हम ने ज़ख़्म-ए-जिगर
ये इंतिज़ार है कब चाँदनी निकलती है
समझ तो लीजिए कहने तो दीजिए मतलब
बयाँ से पहले ही मुझ पर छुरी निकलती है
ये दिल की आग है या दिल के नूर का है ज़ुहूर
नफ़स नफ़स में मिरे रौशनी निकलती है
कहा जो मैं ने कि मर जाऊँगा तो कहते हैं
हमारे ज़ाइचे में ज़िंदगी निकलती है
समझने वाले समझते हैं पेच की तक़रीर
कि कुछ न कुछ तिरी बातों में फ़ी निकलती है
दम-ए-अख़ीर तसव्वुर है किस परी-वश का
कि मेरी रूह भी बन कर परी निकलती है
सनम-कदे में भी है हुस्न इक ख़ुदाई का
कि जो निकलती है सूरत परी निकलती है
मिरे निकाले न निकलेगी आरज़ू मेरी
जो तुम निकालना चाहो अभी निकलती है
ग़म-ए-फ़िराक़ में हो 'दाग़' इस क़दर बेताब
ज़रा से रंज में जाँ आप की निकलती है
ye baat baat meñ kyā nāzukī nikaltī hai
dabī dabī tire lab se hañsī nikaltī hai
Thahar Thahar ke jalā dil ko ek baar na phūñk
ki is meñ bū-e-mohabbat abhī nikaltī hai
bajā.e shikva bhī detā huuñ maiñ duā us ko
mirī zabāñ se karūñ kyā yahī nikaltī hai
ḳhushī meñ ham ne ye shoḳhī kabhī nahīñ dekhī
dam-e-itāb jo rañgat tirī nikaltī hai
hazār baar jo māñgā karo to kyā hāsil
duā vahī hai jo dil se kabhī nikaltī hai
adā se terī magar khiñch rahīñ haiñ talvāreñ
nigah nigah se chhurī par chhurī nikaltī hai
muhīt-e-ishq meñ hai kyā umiid o biim mujhe
ki Duub Duub ke kashtī mirī nikaltī hai
jhalak rahī hai sar-e-shāḳh-e-mizha ḳhuun kī buuñd
shajar meñ pahle samar se kalī nikaltī hai
shab-e-firāq jo khole haiñ ham ne zaḳhm-e-jigar
ye intizār hai kab chāñdnī nikaltī hai
samajh to lījiye kahne to dījiye matlab
bayāñ se pahle hī mujh par chhurī nikaltī hai
ye dil kī aag hai yā dil ke nuur kā hai zuhūr
nafas nafas meñ mire raushnī nikaltī hai
kahā jo maiñ ne ki mar jā.ūñgā to kahte haiñ
hamāre zā.iche meñ zindagī nikaltī hai
samajhne vaale samajhte haiñ pech kī taqrīr
ki kuchh na kuchh tirī bātoñ meñ fī nikaltī hai
dam-e-aḳhīr tasavvur hai kis parī-vash kā
ki merī ruuh bhī ban kar parī nikaltī hai
sanam-kade meñ bhī hai husn ik ḳhudā.ī kā
ki jo nikaltī hai sūrat parī nikaltī hai
mire nikāle na niklegī aarzū merī
jo tum nikālnā chāho abhī nikaltī hai
ġham-e-firāq meñ ho 'dāġh' is qadar betāb
zarā se ranj meñ jaañ aap kī nikaltī hai
یہ بات بات میں کیا نازکی نکلتی ہے
دبی دبی ترے لب سے ہنسی نکلتی ہے
ٹھہر ٹھہر کے جلا دل کو ایک بار نہ پھونک
کہ اس میں بوئے محبت ابھی نکلتی ہے
بجائے شکوہ بھی دیتا ہوں میں دعا اس کو
مری زباں سے کروں کیا یہی نکلتی ہے
خوشی میں ہم نے یہ شوخی کبھی نہیں دیکھی
دم عتاب جو رنگت تری نکلتی ہے
ہزار بار جو مانگا کرو تو کیا حاصل
دعا وہی ہے جو دل سے کبھی نکلتی ہے
ادا سے تیری مگر کھنچ رہیں ہیں تلواریں
نگہ نگہ سے چھری پر چھری نکلتی ہے
محیط عشق میں ہے کیا امید و بیم مجھے
کہ ڈوب ڈوب کے کشتی مری نکلتی ہے
جھلک رہی ہے سر شاخ مژہ خون کی بوند
شجر میں پہلے ثمر سے کلی نکلتی ہے
شب فراق جو کھولے ہیں ہم نے زخم جگر
یہ انتظار ہے کب چاندنی نکلتی ہے
سمجھ تو لیجئے کہنے تو دیجئے مطلب
بیاں سے پہلے ہی مجھ پر چھری نکلتی ہے
یہ دل کی آگ ہے یا دل کے نور کا ہے ظہور
نفس نفس میں مرے روشنی نکلتی ہے
کہا جو میں نے کہ مر جاؤں گا تو کہتے ہیں
ہمارے زائچے میں زندگی نکلتی ہے
سمجھنے والے سمجھتے ہیں پیچ کی تقریر
کہ کچھ نہ کچھ تری باتوں میں فی نکلتی ہے
دم اخیر تصور ہے کس پری وش کا
کہ میری روح بھی بن کر پری نکلتی ہے
صنم کدے میں بھی ہے حسن اک خدائی کا
کہ جو نکلتی ہے صورت پری نکلتی ہے
مرے نکالے نہ نکلے گی آرزو میری
جو تم نکالنا چاہو ابھی نکلتی ہے
غم فراق میں ہو داغؔ اس قدر بیتاب
ذرا سے رنج میں جاں آپ کی نکلتی ہے