ये बात अलग है मिरा क़ातिल भी वही था
इस शहर में तारीफ़ के क़ाबिल भी वही था
आसाँ था बहुत उस के लिए हर्फ़-ए-मुरव्वत
और मरहला अपने लिए मुश्किल भी वही था
ताबीर थी अपनी भी वही ख़्वाब-ए-सफ़र की
अफ़्साना-ए-महरूमी-ए-मंज़िल भी वही था
इक हाथ में तलवार थी इक हाथ में कश्कोल
ज़ालिम तो वो था ही मिरा साइल भी वही था
हम आप के अपने हैं वो कहता रहा मुझ से
आख़िर सफ़-ए-अग़्यार में शामिल भी वही था
मैं लौट के आया तो गुलिस्तान-ए-हवस में
था गुल भी वही शोर-ए-अनादिल भी वही था
दावे थे 'ज़फ़र' उस को बहुत बा-ख़बरी के
देखा तो मिरे हाल से ग़ाफ़िल भी वही था
ye baat alag hai mirā qātil bhī vahī thā
is shahr meñ tārīf ke qābil bhī vahī thā
āsāñ thā bahut us ke liye harf-e-muravvat
aur marhala apne liye mushkil bhī vahī thā
tābīr thī apnī bhī vahī ḳhvāb-e-safar kī
afsāna-e-mahrūmi-e-manzil bhī vahī thā
ik haath meñ talvār thī ik haath meñ kashkol
zālim to vo thā hī mirā saa.il bhī vahī thā
ham aap ke apne haiñ vo kahtā rahā mujh se
āḳhir saf-e-aġhyār meñ shāmil bhī vahī thā
maiñ lauT ke aayā to gulistān-e-havas meñ
thā gul bhī vahī shor-e-anādil bhī vahī thā
daave the 'zafar' us ko bahut bā-ḳhabarī ke
dekhā to mire haal se ġhāfil bhī vahī thā
یہ بات الگ ہے مرا قاتل بھی وہی تھا
اس شہر میں تعریف کے قابل بھی وہی تھا
آساں تھا بہت اس کے لیے حرف مروت
اور مرحلہ اپنے لیے مشکل بھی وہی تھا
تعبیر تھی اپنی بھی وہی خواب سفر کی
افسانۂ محرومی منزل بھی وہی تھا
اک ہاتھ میں تلوار تھی اک ہاتھ میں کشکول
ظالم تو وہ تھا ہی مرا سائل بھی وہی تھا
ہم آپ کے اپنے ہیں وہ کہتا رہا مجھ سے
آخر صف اغیار میں شامل بھی وہی تھا
میں لوٹ کے آیا تو گلستان ہوس میں
تھا گل بھی وہی شور عنادل بھی وہی تھا
دعوے تھے ظفرؔ اس کو بہت با خبری کے
دیکھا تو مرے حال سے غافل بھی وہی تھا