ये और बात कि ताख़ीर से अलग करूँगा
मगर तुझे तिरी तस्वीर से अलग करूँगा
मुसाफ़िरत से जो फ़ुर्सत हुई नसीब तो फिर
थकन को पाँव की ज़ंजीर से अलग करूँगा
जो मेरे दाइमी एहसास से जुड़ा है सबक़
मैं किस तरह उसे तहरीर से अलग करूँगा
कुँवारे ख़्वाब हुए जा रहे हैं आवारा
उन्हें मैं लज़्ज़त-ताबीर से अलग करूँगा
उतारना है मुझे अब अना को मौत के घाट
सो उस को लहजा-ए-शमशीर से अलग करूँगा
मिरे बदन में लगी है जो हिज्र की दीमक
मैं उस को वस्ल की तदबीर से अलग करूँगा
रिवायतों से रखूँगा मैं 'फ़ैज़' रिश्ता मगर
सुख़न ज़रा सा तक़ी-'मीर' से अलग करूँगा
ye aur baat ki tāḳhīr se alag karūñgā
magar tujhe tirī tasvīr se alag karūñgā
musāfirat se jo fursat huī nasīb to phir
thakan ko paañv kī zanjīr se alag karūñgā
jo mere dā.imī ehsās se juḌā hai sabaq
maiñ kis tarah use tahrīr se alag karūñgā
kuñvāre ḳhvāb hue jā rahe haiñ āvāra
unheñ maiñ lazzat-e-ta.abīr se alag karūñgā
utārnā hai mujhe ab anā ko maut ke ghaaT
so us ko lahja-e-shamshīr se alag karūñgā
mire badan meñ lagī hai jo hijr kī dīmak
maiñ us ko vasl kī tadbīr se alag karūñgā
rivāyatoñ se rakhūñgā maiñ 'faiz' rishta magar
suḳhan zarā sā taqī-'mīr' se alag karūñgā
یہ اور بات کہ تاخیر سے الگ کروں گا
مگر تجھے تری تصویر سے الگ کروں گا
مسافرت سے جو فرصت ہوئی نصیب تو پھر
تھکن کو پاؤں کی زنجیر سے الگ کروں گا
جو میرے دائمی احساس سے جڑا ہے سبق
میں کس طرح اسے تحریر سے الگ کروں گا
کنوارے خواب ہوئے جا رہے ہیں آوارہ
انہیں میں لذت تعبیر سے الگ کروں گا
اتارنا ہے مجھے اب انا کو موت کے گھاٹ
سو اس کو لہجۂ شمشیر سے الگ کروں گا
مرے بدن میں لگی ہے جو ہجر کی دیمک
میں اس کو وصل کی تدبیر سے الگ کروں گا
روایتوں سے رکھوں گا میں فیضؔ رشتہ مگر
سخن ذرا سا تقی میرؔ سے الگ کروں گا