ये और बात कि लहजा उदास रखते हैं
ख़िज़ाँ के गीत भी अपनी मिठास रखते हैं
कहें तो क्या कहें हम उन की सादा-लौही को
जो क़ातिलों से तरह्हुम की आस रखते हैं
किसी के सामने फैलाईं किस लिए दामन
तुम्हारे दर्द की दौलत जो पास रखते हैं
उन्हें हयात की तोहमत न दो अबस यारो
जो अपना जिस्म न अपना लिबास रखते हैं
क़रीब-ए-गुल-बदनाँ रह चुके हैं दीवाने
ये ख़ार वो हैं जो फूलों की बास रखते हैं
कहाँ भिगोए कोई अपने ख़ुश्क होंटों को
ये दौर वो है कि दरिया भी प्यास रखते हैं
ख़ुदा का शुक्र अदा कीजे ख़ुश-नसीबी पर
'हफ़ीज़' आप दिल-ए-ग़म-शनास रखते हैं
ye aur baat ki lahja udaas rakhte haiñ
ḳhizāñ ke giit bhī apnī miThās rakhte haiñ
kaheñ to kyā kaheñ ham un kī sāda-lauhī ko
jo qātiloñ se tarahhum kī aas rakhte haiñ
kisī ke sāmne phailā.īñ kis liye dāman
tumhāre dard kī daulat jo paas rakhte haiñ
unheñ hayāt kī tohmat na do abas yaaro
jo apnā jism na apnā libās rakhte haiñ
qarīb-e-gul-badnāñ rah chuke haiñ dīvāne
ye ḳhaar vo haiñ jo phūloñ kī baas rakhte haiñ
kahāñ bhigo.e koī apne ḳhushk hoñToñ ko
ye daur vo hai ki dariyā bhī pyaas rakhte haiñ
ḳhudā kā shukr adā kiije ḳhush-nasībī par
'hafīz' aap dil-e-ġham-shanās rakhte haiñ
یہ اور بات کہ لہجہ اداس رکھتے ہیں
خزاں کے گیت بھی اپنی مٹھاس رکھتے ہیں
کہیں تو کیا کہیں ہم ان کی سادہ لوحی کو
جو قاتلوں سے ترحم کی آس رکھتے ہیں
کسی کے سامنے پھیلائیں کس لیے دامن
تمہارے درد کی دولت جو پاس رکھتے ہیں
انہیں حیات کی تہمت نہ دو عبث یارو
جو اپنا جسم نہ اپنا لباس رکھتے ہیں
قریب گل بدناں رہ چکے ہیں دیوانے
یہ خار وہ ہیں جو پھولوں کی باس رکھتے ہیں
کہاں بھگوئے کوئی اپنے خشک ہونٹوں کو
یہ دور وہ ہے کہ دریا بھی پیاس رکھتے ہیں
خدا کا شکر ادا کیجے خوش نصیبی پر
حفیظؔ آپ دل غم شناس رکھتے ہیں