यकसू भी लग रहा हूँ बिखरने के बावजूद
पूरी तरह मरा नहीं मरने के बावजूद
इक धूप सी तनी हुई बादल के आर-पार
इक प्यास है रुकी हुई झरने के बावजूद
उस को भी याद करने की फ़ुर्सत न थी मुझे
मसरूफ़ था मैं कुछ भी न करने के बावजूद
पहला भी दूसरा ही किनारा हो जिस तरह
हालत वही है पार उतरने के बावजूद
अपनी तरफ़ ही रुख़ था वहाँ वारदात का
इल्ज़ाम उस के नाम पे धरने के बावजूद
हैराँ हूँ मुझ में इतनी ये हिम्मत कहाँ से आई
कर ही गया हूँ काम जो डरने के बावजूद
होना पड़ा न होते हुए भी मुझे यहाँ
कुछ याद रह गया हूँ बिसरने के बावजूद
जैसा भी ये सफ़र हो ज़रा ग़ौर कीजिए
कैसा रवाँ-दवाँ हूँ ठहरने के बावजूद
निकला नहीं है कोई नतीजा यहाँ 'ज़फ़र'
करने के बावजूद न भरने के बावजूद
yaksū bhī lag rahā huuñ bikharne ke bāvajūd
puurī tarah marā nahīñ marne ke bāvajūd
ik dhuup sī tanī huī bādal ke ār-pār
ik pyaas hai rukī huī jharne ke bāvajūd
us ko bhī yaad karne kī fursat na thī mujhe
masrūf thā maiñ kuchh bhī na karne ke bāvajūd
pahlā bhī dūsrā hī kināra ho jis tarah
hālat vahī hai paar utarne ke bāvajūd
apnī taraf hī ruḳh thā vahāñ vārdāt kā
ilzām us ke naam pe dharne ke bāvajūd
hairāñ huuñ mujh meñ itnī ye himmat kahāñ se aa.ī
kar hī gayā huuñ kaam jo Darne ke bāvajūd
honā paḌā na hote hue bhī mujhe yahāñ
kuchh yaad rah gayā huuñ bisarne ke bāvajūd
jaisā bhī ye safar ho zarā ġhaur kījiye
kaisā ravāñ-davāñ huuñ Thaharne ke bāvajūd
niklā nahīñ hai koī natīja yahāñ 'zafar'
karne ke bāvajūd na bharne ke bāvajūd
یکسو بھی لگ رہا ہوں بکھرنے کے باوجود
پوری طرح مرا نہیں مرنے کے باوجود
اک دھوپ سی تنی ہوئی بادل کے آر پار
اک پیاس ہے رکی ہوئی جھرنے کے باوجود
اس کو بھی یاد کرنے کی فرصت نہ تھی مجھے
مصروف تھا میں کچھ بھی نہ کرنے کے باوجود
پہلا بھی دوسرا ہی کنارہ ہو جس طرح
حالت وہی ہے پار اترنے کے باوجود
اپنی طرف ہی رخ تھا وہاں واردات کا
الزام اس کے نام پہ دھرنے کے باوجود
حیراں ہوں مجھ میں اتنی یہ ہمت کہاں سے آئی
کر ہی گیا ہوں کام جو ڈرنے کے باوجود
ہونا پڑا نہ ہوتے ہوئے بھی مجھے یہاں
کچھ یاد رہ گیا ہوں بسرنے کے باوجود
جیسا بھی یہ سفر ہو ذرا غور کیجئے
کیسا رواں دواں ہوں ٹھہرنے کے باوجود
نکلا نہیں ہے کوئی نتیجہ یہاں ظفرؔ
کرنے کے باوجود نہ بھرنے کے باوجود