यकसाँ कभी किसी की न गुज़री ज़माने में
यादश-ब-ख़ैर बैठे थे कल आशियाने में
सदमे दिए तो सब्र की दौलत भी देगा वो
किस चीज़ की कमी है सख़ी के ख़ज़ाने में
ग़ुर्बत की मौत भी सबब-ए-ज़िक्र-ए-ख़ैर है
गर हम नहीं तो नाम रहेगा ज़माने में
दम भर में अब मरीज़ का क़िस्सा तमाम है
क्यूँकर कहूँ ये रात कटेगी फ़साने में
साक़ी मैं देखता हूँ ज़मीं आसमाँ का फ़र्क़
अर्श-ए-बरीं में और तिरे आस्ताने में
दीवारें फाँद-फाँद के दीवाने चल बसे
ख़ाक उड़ रही है चार तरफ़ क़ैद-ख़ाने में
सय्याद इस असीरी पे सौ जाँ से मैं फ़िदा
दिल-बस्तगी क़फ़स की कहाँ आशियाने में
हम ऐसे बद-नसीब कि अब तक न मर गए
आँखों के आगे आग लगी आशियाने में
दीवाने बन के उन के गले से लिपट भी जाओ
काम अपना कर लो 'यास' बहाने-बहाने में
yaksāñ kabhī kisī kī na guzrī zamāne meñ
yādash-ba-ḳhair baiThe the kal āshiyāne meñ
sadme diye to sabr kī daulat bhī degā vo
kis chiiz kī kamī hai saḳhī ke ḳhazāne meñ
ġhurbat kī maut bhī sabab-e-zikr-e-ḳhair hai
gar ham nahīñ to naam rahegā zamāne meñ
dam bhar meñ ab marīz kā qissa tamām hai
kyūñkar kahūñ ye raat kaTegī fasāne meñ
saaqī maiñ dekhtā huuñ zamīñ āsmāñ kā farq
arsh-e-barīñ meñ aur tire āstāne meñ
dīvāreñ phāñd-phāñd ke dīvāne chal base
ḳhaak uḌ rahī hai chaar taraf qaid-ḳhāne meñ
sayyād is asīrī pe sau jaañ se maiñ fidā
dil-bastagī qafas kī kahāñ āshiyāne meñ
ham aise bad-nasīb ki ab tak na mar ga.e
āñkhoñ ke aage aag lagī āshiyāne meñ
dīvāne ban ke un ke gale se lipaT bhī jaao
kaam apnā kar lo 'yās' bahāne-bahāne meñ
یکساں کبھی کسی کی نہ گزری زمانے میں
یادش بخیر بیٹھے تھے کل آشیانے میں
صدمے دیے تو صبر کی دولت بھی دے گا وہ
کس چیز کی کمی ہے سخی کے خزانے میں
غربت کی موت بھی سبب ذکر خیر ہے
گر ہم نہیں تو نام رہے گا زمانے میں
دم بھر میں اب مریض کا قصہ تمام ہے
کیونکر کہوں یہ رات کٹے گی فسانے میں
ساقی میں دیکھتا ہوں زمیں آسماں کا فرق
عرش بریں میں اور ترے آستانے میں
دیواریں پھاندپھاند کے دیوانے چل بسے
خاک اڑ رہی ہے چار طرف قیدخانے میں
صیاد اس اسیری پہ سو جاں سے میں فدا
دل بستگی قفس کی کہاں آشیانے میں
ہم ایسے بد نصیب کہ اب تک نہ مر گئے
آنکھوں کے آگے آگ لگی آشیانے میں
دیوانے بن کے ان کے گلے سے لپٹ بھی جاؤ
کام اپنا کر لو یاسؔ بہانےبہانے میں